كتبت بواسطة مهندسة عراقية

حبيبتي انا عرفت باني حامل ببنوتة بنهاية الشهر الرابع تحديدا في بداية الاسبوع 17 من الحمل ويعتمد على وضعية البيبي وشطارة الطبيب وجودة السونار وطبعا في الأول والآخر تبقى ارادة الله فوق وقبل كل شيء لأنه اصلا احيانا كثيرة يخطئ السونار.. يااااااااااا رب يتمم علينا بخير ويرزقنا ولادة سهلة واطفال بكامل الصحة والعافية

ربنا يخليك يتمم لك علي خير ان شاء الله
انا ان شاء الله كلها يومين و ابدأ الاسبوع 17و هاعمل سونار ان شاء الله يوم الاثنين

كتبت بواسطة haneen83

ميرسى او يا ساسو القلوب عند بعضها والله
و انا بصراحه ما صدقت انى الاقى حد افضفض معاه و ارغى

أنا فرحت اوى بالموضوع و تحمست له و يا ريت نكمل فيه على طول حتى بعد ما نولد

المهم بقى انا الاسبوع اللى فات ده كنت باحس بنغز فى عضلة الحوض الشمال و فضل الموضوع يكبر معايا لحد ما بقيت اعرج و بقى منظرى مسخره ... و جوزى طبعا هاص فيها و زى ما يكونوا جابوله اراجوز فى البيت و الا يكون عايش مع سمير غانم قى بيت واحد
طول النهار بقى يضحك و يحب يقومنى اعمل اى حاجه مخصوص علشان يتفرج و يضحك
طبعا مكعبره و كمان باعرج و حالتى حاله و كمان منظرى فى الشغل بقى وحش اوى ... البرستيج بتاعى باظ خالص
قلت بقى ما بدهاش بقى اتصل بالدكتوره بتاعتى اعيط لها تشوف لى حل
و اتصلت بيها و قال ايه يا اخواتى طلع عندى عرق النسا
و المشكله ان جوزى بقى يضحك عليا اكتر من ساعت ما عرف
و قالت لى ان عرق النسا ده بيجى من تحميل البيبى على جنب واحد و من تقل البيبى و ضعف العضله بسبب قلة فيتامين ب المركب فى الجسم
فكتبت لى حبوب فيتامين ب المركب و قالت لى احاول ما ادوسش اوى على رجلى اللى بتوجعنى
ادعولى اخف من العرج ده و ارجع الملاعب من تانى و ما اخليش جوزى يشمت فيا

ههههههههههه ضحكتيني موووووت

انا كنت زيك في حملي اللي فات (اصل انا مدسوسه بينكم غلاسه) و الفيتامين ب فعلا ها يحل لك المشكله ان شاء الله بس انا كان الدكتور كاتب لي معاه مسكن علشان الالم

كتبت بواسطة sassoo_love

مساء الخير علي عينيكم يا بنات
انا النهارده عايزه احكيلكم حاجه كانت مطيره من عيني النوم اليومين اللي فاتو
انا لما رحت للدكتور عملي تحليل نسبه هرمون الحمل في الدم
وده بعد ما شاف كيس الجنين علي السونار
وعملت التحليل طلعت النسبه 66.5 زالنسبه الطبيعيه من 50 ل 500
طبعا هو لقي النسبه مش مطمئنه مع تاريخي السابق في الاجهاض
طلب اعاده التحليل بعد 48 ساعه وكان صريح معايا وقالي لو النسبه متضاعفتش هاضطر اديكي ادويه علشان الجنين ينزل من بدري بدل ما ينزل متاخر لان نموه هيكون بطئ
وطبعا الدنيا اسودت في عيوني
وفضلت 48 ساعه علي اعصابي وبترجي رحمه ربي واتمني ان ربنا ياخد بيدي ويد جنيني الصغير ويرحمني برحمته
وعملت التحليل والدكتور قالي لو النسبه طلعت 100 هديكي مثبتات وان شاء الله ربنا يكرمنا
والنهارده النتيجه طلعت وكانت نسبه الهرمون

179 انا مبقيتش مصدقه نفسي والله حسيت اني هاتجنن من الفرحه وجوزي مكانش بيقول غير الحمد لله ومبروك يا حبيبتي وانا كنت همووووووووووووت من الفرحه
وطبعا الدكتور كتبلي اسبرين اطفال ومثبت لمده شهر
وميعادي معاه يوم الاربعاء الجاي
اللهم لك الحمد كما ينبغي لجلال وجهك وعظيم سلطانك
اللهم ما اصبح بي من نعمه او باحد من خلقك فمنك وحدك لا اله الا انت فلك الحمد والشكر يارب العالمين

حبيبتي ساسو
الله يثبتك ويتمملك حملك
والله اني انبسطتيلك و فرحتيني
دايما طمنينا عنك يا عسل

ألف مبروك يا ساسو
اهم حاجه تاخدي بالك من نفسك و ترتاحي علي الآخر
و ان شاء الله تقومي بالسلامه و تفرحي بالبيبي

حنين 83.. بالعكس يا حبيبتي انتي مش رغاية انتي مشوقة بكلامك الصريح ووصفك الدقيق لما تشعره الأم اثناء الحمل وايضا وصف لصعوبة الشهور الأخيرة وياااااا رب يجي البيبي بسلام ومهما كان جنسه فهو قطعة من روحك ويا رب يسهل عليك باقي الأيام ويجعل ولادتك ولادة سهلة ولكن بوقتها حيكون حرمانك من النوم شيء بسبب البيبي اللي خارج بطنك مش اللي بداخله والسبب واحد هههههههههه..
سلمى عزيزتي يا رب يفرحك اكثر واكثر وتتطمني هذا الاربعاء على الحمل ويكون الهورمون ارتفع وانتي اهم شي واظبي على الاسبرين والمثبتات وان شاء الله تلقين ان النسبة وصلت اكثر من 500 لأنه النسبة عادة تبدأ بالتضاعف.. طمنينا عليك وياااااااااااااا رب يتمملك على خير وان شاء الله الفال لتاما ونسمع ان هورمون حملها ارتفع وهي موعد ذهابها للطبيبة السبت ان شاء الله ادعولها يا بنات أمانة

الف مبروك اختي سوسو
انا كمان حامل لاول مرة بس باخر اسبوع من الشهر التاسع
يعني راح الكتير وبقي القليل بس الاشهر كلها كوم والشهر التاسع كوم تاني
انا حسيت انو الفترة عدت بسرعة بس الشهر التاسع طويل كتييييييييييييييييييييييييييير
وحاسة انو موعد الولادة بعييييييييييييييييييييييييييييييييييييييييد
اخ يارب تفرجها علي وعلى كل حامل تولد بالسلامة

كتبت بواسطة tama77

حبيبتي ساسو
الله يثبتك ويتمملك حملك
والله اني انبسطتيلك و فرحتيني
دايما طمنينا عنك يا عسل

ربنا يخليكي يارب وشكرا علي كلامك الحلو

كتبت بواسطة أم بودي

ألف مبروك يا ساسو
اهم حاجه تاخدي بالك من نفسك و ترتاحي علي الآخر
و ان شاء الله تقومي بالسلامه و تفرحي بالبيبي

الله يسلمك يارب يستجيبلك ياااااااارب

سلمى عزيزتي يا رب يفرحك اكثر واكثر وتتطمني هذا الاربعاء على الحمل ويكون الهورمون ارتفع وانتي اهم شي واظبي على الاسبرين والمثبتات وان شاء الله تلقين ان النسبة وصلت اكثر من 500 لأنه النسبة عادة تبدأ بالتضاعف.. طمنينا عليك وياااااااااااااا رب يتمملك على خير وان شاء الله الفال لتاما ونسمع ان هورمون حملها ارتفع وهي موعد ذهابها للطبيبة السبت ان شاء الله ادعولها يا بنات أمانة[/QUOTE]
ميرسي يا قمر بس ممكن اسالك سؤال
هو انت مشيتي علي الاسبرين قبل كده؟
لاني اول مره اسمع ان الحامل تاخد اسبرين اطفال

كتبت بواسطة روعة الزهور

الف مبروك اختي سوسو
انا كمان حامل لاول مرة بس باخر اسبوع من الشهر التاسع
يعني راح الكتير وبقي القليل بس الاشهر كلها كوم والشهر التاسع كوم تاني
انا حسيت انو الفترة عدت بسرعة بس الشهر التاسع طويل كتييييييييييييييييييييييييييير
وحاسة انو موعد الولادة بعييييييييييييييييييييييييييييييييييييييييد
اخ يارب تفرجها علي وعلى كل حامل تولد بالسلامة

يارب يقومك بالسلامه نفرح بيكي عن قريب يااااااااااااااااارب
شكرا يا قمر علي الكلام الحلو

يا بنات انا ليا عندكم سؤال معلش يعني
انا جوزي عاملي حظر تجول
يعني مش عايزني انظف البين ولا حتي ارتب السرير او اكنس بالمكنسه وبيقولي بعد الشهر الرابع ان شاء الله
انا عايزه اسالكم هو تنظيف البيت متعب؟
يعني بياثر علي الحمل؟
معلش ياريت تجاوبوني بصراحه لاني محتاجه اعرف من تجاربكم وخبراتكم
لاني لو سالت الدكتور هيضربني بالنار لاني عاملاله ازعاج دولي مش ناقص غير شغل البيت اللي اساله عليه
ميرسي يا بنات مقدما واسفه علي الازعاج

ههههههههه ضحكتيني يا حبيبتي على مسألة الضرب بالنار.. الظاهر ان كل الأطباء روحهم في مناخيرهم من كتر ما تجيلهم حالات ومن كتر ما يسمعوا شكاوى..
بالنسبة للأسبرين أنا مستمرة على أخذه منذ بداية حملي وأنا سأدخل الشهر السادس ان شاء الله برأس السنة وفائدته هو لتسييل الدم ومنع التجلط عند البيبي والذي يكون سببا مهما في الإجهاضات او موت الجنين لا سامح الله..
أما شغل البيت فأنا زوجي منعني وأيضا الطبيب منعني منعا باتا لأن أي حركة مفاجئة وغير مقصودة قد تسبب الاجهاض (وهذا عادة يكون لمن حملها صعب أو مهدد والحذر واجب) وأنا بالفعل حتى المكنسة الكهربائية لا استخدمها ولا أقوم سوى بالطبخ وغسل صحون الطعام وفقط والباقي على زوجي وأخي يا رب يخليهم لأني بالغربة ولست قرب أهلي.. وانتبهي لموضوع العلاقة الزوجية فالطبيب منعني منعا باتا خاصة بالشهور الأولى فالتزمي الحذر.. وطمنينا عليك دائما يا غالية

كتبت بواسطة sassoo_love

يا بنات انا ليا عندكم سؤال معلش يعني
انا جوزي عاملي حظر تجول
يعني مش عايزني انظف البين ولا حتي ارتب السرير او اكنس بالمكنسه وبيقولي بعد الشهر الرابع ان شاء الله
انا عايزه اسالكم هو تنظيف البيت متعب؟
يعني بياثر علي الحمل؟
معلش ياريت تجاوبوني بصراحه لاني محتاجه اعرف من تجاربكم وخبراتكم
لاني لو سالت الدكتور هيضربني بالنار لاني عاملاله ازعاج دولي مش ناقص غير شغل البيت اللي اساله عليه
ميرسي يا بنات مقدما واسفه علي الازعاج

بصي يا قمر
الموضوع ده بيختلف من ست للتانيه و من حمل للتاني

يعني ممكن واحده تقومتشيل البيت و تحطه و تتزحلق علي السيراميك و تشيل عفش و تحطه تاني و ما شاء الله ما يجرالهاش حاجه

و واحده تانيه اقل مجهود يأثر عليها
و بما انك ليك تجربه سابقه في الاجهاض و نسبه الهرمون عندك مش عاليه اوي ما تخاطريش بنفسك
و هاتي اي واحده تساعدك في البيت حتي لو مرتين في الاسبوع و بلاش الوقفه كتير في المطبخ و اعملي طبخات سهله و سريعه

ده غير ان فعلا شغل البيت خصوصا في الشهور الاولي بيبقي متعب فعلا غير لما كنتي لسه مش حامل

و يا ستي بكره تنضفي و تشيلي و تحطي و ترضعي و تسهري و تغيري بامبرز و تحمي
مستعجله علي ايه عيشي لك يومين دلع مش ها تلاقيهم بعد كده