ازيكم يا بنات وحشتووووووووووووووووووونى اوى كلكم حوامل مصر عاملين ايه طبعا كلكم عارفين انى ولدت يوم الاثنين اللى فات 5\11 ورجعتلكم النهارده وهحكيلكم كل حاجه بالتفصيل...

طبعا مانمتش طول الليل و عماله افكر فى العملية و فى البيبى و مكدبش عليكم مش عارفه ليه كنت حاسة انى مش هقوم منها المهم على الساعة 9 الصبح حضرت حاجتى و روحت انا وجوزى و مامتى و بابا و اخواتى على المستشفى و اول ما وصلت دخلونى على طول على الاوضة و الممرضة قالتلى اديتنى كده لبس غريب كده البسة عشان العملية و بعدين علقتلى المحاليل و مفيش نص ساعة و الدكتور جه و قالى جاهزة ؟؟؟ يلا على العمليات كنت مرعوبة جدا و عيطت طبعا و اعدت اسلم عليهم كلهم كأنى مش هشوفهم تانى... و دخلت العمليه و ادونى البنج طبعا و مححستش بحاجه غير وهما بيفوقونى بعد ما خلصوا العملية عشان طبعا لازم اخرج من العمليات فايقه شوية المهم انى مكنتش عارفه اتنفس و كنت حاسة ان روحى بتتسحب منة و قلت بقى خلاص و الله يا بنات كنت فعلا بموت و الدكاترة كلهم عمالين يعملوا تنفس صناعى و يحاولوا يفوقونى بأى شكل كانت لحظات صعبة اوى الحمد لله انها عدت و فوقت لكن طبعا من تأثير البنج ماكنتش واعية اوى لكن طبعا اول ماخرجت سألت على جوزى و سألته البنت شكلها ايه قاللى الحمد لله زى القمر قلتلهم عاوزه اشوفها جابوهالى حطوهالى فى حضنى و بوستها و كنت حاسة الدنيا كلها مش سايعانى من الفرحة ربنا يخليهالنا يارب و فضلت طبعا فى السرير لحد بالليل و قالولى لازم اقوم امشى و مكدبش عليكم كان الالم فظيييع مكنتش قادرة خالص بس لازم كنت امشى عشان الجرح يلم بسرعه و الحمد لله كله بيعدى و روحت فكيت الغرز اول امبارح و الحمد لله... اه نسيت اقولكم اننا كنا محتارين نسمى البنت ايه تخيلوا ان جوزى اعد يكتب فى ورق الاسامى كلها اللى عاوزينها و اعدنا نختار بقى كل ده و انا لسه فى البنج تقريبا و فى الاخر قاللى نفكر لحد بكره و تانى يوم اخواتى حلموا انها اسمها سلمى فسميناها سلمى مع ان الاسم ده مكانش فى بالنا خالص و ربنا يخليهالنا يارب... على فكرة يا بنات انا دعيتلكم كلكم و ربنا يتقبل منى يارب..

حمدا لله على سلامتك أخيتي
مبارك عليك قدوم سلمى... جعلها الله قرة عين لك و لوالدها

ما شاء الله كان
مبروك يا ليتلايه عليكى سلمى
اسمها جميل وحمد لله على سلامتكم انتم الاتنين ربى يحفظهالك

ألف ألف مبروك و تتربى فعزكم
و الحمدلله على سلامتكم

كتبت بواسطة ..تائهة..

حمدا لله على سلامتك أخيتي
مبارك عليك قدوم سلمى... جعلها الله قرة عين لك و لوالدها

شكرا يا اخت تائهة ربنا يرزقك الذرية الصالحة يا رب..

سمسمة يا حبيبتى عامله ايه وحشتييييييييينى اوى يلا شدى حيلك ان شاء الله تفرحينا قريب يا حبيبتى و تقومى بالسلامة انتى و البيبى و ربنا يخليكى ليا يا حبيبتى...


ميرسى يا نانسى ربنا يخليكى يا حبيبتى و يرزقك ما تتمنين..

الف حمد اللة على سلامتك وربنا يخليلك سلمى يارب وتشوفيها عروسة

الحمدلله على السلامه والف مبرووك

بورك لك في الموهوب وشكرت الواهب وبلغ اشده ورزقت بره
الف مبرووووووووووووووووووووووووووووووك
الحمدلله على السلامة

الف الف مبرووووووووووووووووووووووووووووووووووك يا ليتل و الف حمد الله على سلامتك و الحمد لله ان انتى و سلمى بخير..............

تتربى بعزك و عز والدها و غقبال ما تشوفيها عروسة ياااااااااااااارب...............