لو سمحتوا يا بنات انا عضوه قديمه عندكم بس كنت متابعه فقط وعجبني جدا اسلوبكم وتعاونكم مع بعض وانشاء الله اكون مشاركه معاكم وسبب مشاركتي اني تعبانه نفسيا وعلاقتي مع زوجي صارت متذبذبه والسبب انا لاني دايما احمله مسئولية اللي صار لي انا صار لي متزوجه اربع سنين وزوجي من الشهر الثلاث من زواجنا بدا يصر علي انه اروح حق دكتوره عشان اجوف ليش ما صار حمل وكنت ما ارد له طلب ورضيت ورحت عند دكتوره وعطتني ابره هرمونيه لان قالت انه البويضات عندي حجمها صغار وكنت اروح وارجع الدكتورة وانا مب حابه لاني توني متزوجه وهذي الامور غريبه علي مثل الفحص المهبل وغيره وانا من النوع الخجوله واستمريت لمدة شهر على العلاج وعملت مثل ما قالت الدكتوره وما صار حمل ونزلت الدورة وبعد ذلك توقفت عن العلاج لان نفسيتي تعبت وبعد خمس اشهر بدى زوجي يصر اني اراجع دكتور ثاني ورحت بعد وكان دكتور (رجل) وكنت بعد مب حابه هذي الشي انه دكتور يكشف علي واستمريت ابر هرمونيه لمدة شهر وبعد ما صار حمل ونزلت الدوره وبعدها توقفت عن العلاج وبعد سته اشهر رجع زوجي اصر على العلاج ورحت عند دكتوره وارتاحيت لها واستمريت على العلاج عندها سبع شهور من ضمن هذي الاشهر سويت تلقيح اصطناعي مرتين على الرغم انه الوضع كان ما يستاهل لان زوجي سليم بس انا عندي البويضات حجمها صغير وكانت مع الابر توصل حق الحجم المناسب ولم يحصل ولا مره حمل في هذي الاشهر وبعد توقف من العلاج وكان هذا الطلب من الدكتوره لان قالت انه جسمي صار كله هرمونات وفي الفتره اللي توقفت عن العلاج رحت حق مراخه (مساج) وبعدها بشهر صار حمل بس انا ما كنت مهتمه لان قلت لان توقفت عن العلاج فالدورة صارت اتخربط ونزل البيبي وانا ما كنت ادري اني كنت حامل وتم ينزل علي دم لمدة شهرين او اكثر اشوي اشوي ورحت حق الدكتور وقلت لها عن حالتي فقالت كنتي حامل ونزل البيبي وتعبت نفسيا وبعدها في دم البيبي اللي قبله حملت ولكن الله ما كتب انه يستمر لان كان الرحم ما كان نظيف لان انا كنت حامل ودم كان ينزل علي وبعده بعدها بشهر نزل البيبي وسويت عملية تنظيف الرحم وخذيت حبوب منع الحمل عشان ما احمل وراى بعض وينزل بعد لان الرحم صار ضعيف ما يتحمل حمل مره ثالثه وعقبها بشهر رجعت احاول احمل ما صار حمل الا عقب 6 اشهر من عملية تنظيف الرحم وصار الحمل لكن عقب شهر طاح وكان الحمل الاخير من غير علاج كان طبيعي ولما رحت حق الدكتوره عشان اعرف السبب قالت يمكن صحة البويضه ما كانت جيدة فقلت الحمدلله يمكن صلاح لي ومن طرحت اخر مره يعني تقريبا من خمس اشهر للحين ما صار حمل والدوره صارت متلخبطه بعني شهر اتيي وشهرين ما اتيي ومليت من المستشفيات وصرت عصبية وايد ما اتحمل كلمه من احد وصرت حساسه وايد والدوره الحين متاخره عليه 11 يوم وسويت تحليل حمل طلع سلبي (تحليل بول في المستشفى) الله اعزكم فشنو تنصحوني ابي نصيحتكم وسوري اني طولت عليكم
وشكرا
الروابط المفضلة