حابةاحكيلكم قصتى مع الطبيبة للعبرة والاستفادة -اتاخرت الدورة وجبت اختبار منزلى وطلع فى حمل -انا مغتربة فى الشارقة بالامارات-المهم سالت على طبيبة شاطرة وصفولى طبيبة اسمها سوسن كبيرةفى السن وقالو شاطرة - ذهبت ليها وكشفتلى بالسونار قالتلى فى حمل بس ضعيق ومش ثابت وروشتنى وقلقلتنى جدا وكتبتلى مثبتات -اوكى وذهبت ليها 3 مرات كل مرة تقولى نفس الكلام وارجع من عندها متضايقة جدا وقررت الرجوع لمصر لظروف وقلقتنى جدا من الطيارة -كل ده طلع علشان اروح واجى عليها وتاخد الهانم فلوس وتوتر خلق الله واخر يوم كنت عندها قبل السفر تصورو قالتلى ايه؟؟
انا لحد دلوقتى ما سمعتش النبض وانا فى الاسبوع التامن اوكى روحت اتطمن قبل السفر راحت قالتلى كيس الحمل صغير جدا ومش قادرة اسمع النبض وياريت تقولى كدةوتقولى مثلا استنى اسبوع وروحى اعملى سونار تانى؟؟ لا الهانم تقولى احتمال كبير ان الجنين يكون مات وماتزعليش ووقلى الحمد لله - طبعا اتفاجئت وحزنت جدا لانه كمان اول فرحتى
وانا وزوجى كنا فرحانين بيه جدا - المهم رجعت البيت ورتبت شنطى وسافرت مصر تانى يوم وارتحت من السفر يومين وروحت لطبيبة شاطرة جدا فى بلدى وكشفتلى بالسونار المهبلى وكنت قلتلها كل كلام الدكتورة الحمارة الاولى -كشفتلى وقالتلى كله تمام وورتنى الجنين وقالتلى نموه سليم جدا وسمعت وشوفت نبضات قلبه وقالتلى مش محتاجة مثبتات ولا اى حاجة -فرحت جدا واتطمنت قوى خصوصا اننى شوفته لاول مرة وكان احساس رائع وشوفت قلبه وهوبينبض وخرجت من عنجها طايرة من الفرحة واتصلت بزوجى وفرحته -
شوفتو بقى قلة الضمير تقلقنى علشان كل اسبوع اروحلها وتكسب فلوس وتقولى فى الاخر الجنين مات لما عرفت انى مسافرة وسايباها شايفين -حسبى الله ونعم الوكيل فيها
اهم حاجة يا جماعة اتاكدو من ضمير وشطارة الطبيب او الطبيبة اللى هتتابعو معاها
الروابط المفضلة