اخواتى بنات المنتدى يا اغلى الناس وحشتونى قوى
قبل اى شئ احب اشكر اخواتى
ملاك لبنات لانها كانت تراسلينى على الموبيل جزاها الله كل خير
ويارب يتمم حملها على الف خير
واشكر اختى lulu يارب ينولها اللى فى بالها ويجزيها عنى كل خير
ويحفظ لها اولادها لانها وصلت رسالتى ليكم لانى كنت فى اشد الحاجة لدعواتكم
ومشكورة كل من دخلت موضوعى ودعيت من قلبها ان ربنا يثبت حملى
ومبروك لكل الحوامل ومبروك لكل الامهات الجدد
يارب يكمل فرحتكم على الف خير ..........
وانا راح احكى لكم ايه اللى حصل معايا
انا كنت منتظرة الدورة قبل العيد ب4 ايام وطبعا انتم عارفين شغل البيت قبل العيد بيبقى ازاى يعنى تنفيض وغسل سجاجيد وستاير .............الخ وانا طبعا قمت بالواجب وتعبت نفسى جدا ونسيت ميعاد الدورة خالص ويوم الوقفة بعد التراويح افتكرت الدورة وحسبت لقتها فاتت من 3 ايام وفى نفس اليوم وانا نايمة جالى مغص رهيب اسفل البطن لحد الصبح فقلت اكيد الدورة رغم انها مظبوطة ونادرا لما تتأخر بس الصبح ما لقيت اى شئ وطلبت من زوجى اختبار حمل من الصيدلية وعملتة وكنت اول مرة استعملة وطلع خط واضح والتانى خفيف
فرحت بس كنت خايفة يكون غلط واتصدم وبالذات انى معنديش اى اعراض حمل زى حملى السابق
وبالليل بعد زيارة الاهل رحت المعمل وعملت اختبار والممرضة قال مبررررررررروك
وطبعا كان احلى واجمل حاجة فى عيد وبكينا انا وزوجى من الفرحة
وقام زوجى لغى كل برنامج العيد من فسح وخروج وطبعا ارتحت خالص ونمت على ظهرى وما لحقت افرح ...!!! وفى تالت يوم صحيت الصبح لقيت دم ومغص وهبوط وطبعا اتأكدت انه اجهاض وحمدت الله انا وزوجى وروحنا على دكتورة قريبة من البيت وقالت كمية الدم صغيرة احتمال يكون الحمل موجود لازم تعملى تحليل هرمونى كل 48 ساعة وفعلا عملتة مرتين وكان النسبة تزيد
قالت: كدة الحمل موجود بس بعد اسبوعين من النهاردة نعمل سونار ونشوف النبض وبعدها نكرر استمرار الحمل لان حملك ضعيف وضغطك واطى وحرارة جسمك عالية واحتمال كبير تسقطى
وطبعا كتبتلى دافستون وفوليك وانا ماشية على العلاج والدم اتوقف بس عندى افرازات بنية يومية تنزل علية لحد اليوم ومش عارفة سببها وخايفة تكون اجهاض لا قدر الله
ادعولى يتمم لى على خير انتم عارفين انا كنت منتظرة الحمل من سنة كمان النطف عند زوجى ضعيفة واحتمال الاجهاض بيكون كبير
ملحوظة :
انا اخدت اجازة اسبوعين وارح ارتاح فى البيت ادعولى اسمع نبض البيبى ويكون سليم معافى واعزرونى لانى مش حقدر اتواصل معاكم لانى معنديش نت فى البيت
الروابط المفضلة