قصتي مع الحمل الثالث ..

كانت لي قصة مع الحمل الثالث غريبه .. او تقدرون تقولون قصتين ..
القصة الاولى
انا بعد ما جبت بناتي .. قررت اني اوقف الحمل لفتره كبيره المهم قعدت اضرب ابر حوالي 3 سنين
بعد ال3 سنين , قالو لي ان الابر تعطي مفعول ل3 جايه بعد . .. علشان جذي وقفت الابر وبعد سنه ونص تقريبا يعني لما بنتي الصغيره دخلت المدرسة حسيت بالم في البطن وصداع فظيع كان يجيني على طول في الدوام . ولما رحت العيادة كشفت على الدكتوره وقالت نسوي فحص حمل قلت ان شاءالله ما اكون حامل ولكن المفااااااجاءه اني طلعت .................................................. .................................................. ..................................

حااااااامل .. بعدين قلت يالله كله خير من رب العالمين

وبعد اسبوع يا سادة يا كرام حسيت بشي ينزل علي لما رحت شفت لقيت قطرات دم ..
ولما راجعت العيادة .. قالتي لي الدكتوره (( ما في خوف يمكن ما في شي .. بس انت اذا يجي زيادة دم لازم روح مستشفى )) طبعا عرفتو ان الدكتوره هندية ..
المهم النزيف استمر جان اروح الطواري لما فحصوني بالسونار قالو لي انت من قال انك حامل انتي



مب حامل

لا حول الله .. قلت لهم بس قالو لي في العيادة اني حامل ..قالو كيف سوو لكي فحص بالدم قلت لا با ...
قالو لا نحن بنسوي لك بالدم احسن .. قلت اوكيه مب مشكله يالله . وبدأت رحلة العذاب تحاليل وفحوصات وبعد ما طلعت نتيجة الدم قالو لي ... مبروك

انتي حامل

شو السالفه .....

حابين اكمل لكم السالفه والا لا ...........

يالله لاتعلقينه ترى الناس صيام

ألف مبروك عالحمل
وبانتظار التكمله...

يالله ترى عن جد مااحب النطره كملي لنا كل السالفه لاني وشي وماشيه

وينج اشو نقطعت القصة كملي

ورجعناااااااااااااااااا لكم ...

بعد ما قالو لي اني حامل .. قالو لي اطلعي من المستشفى واذا ظل النزيف لمدة يومين راجعين ..
والنزيف استمر وقعد يزيد على وكنت احس بالام في بطني مثل السكاكين .. المهم راجعت المستشفى مره ثانيه ولما فحصتني الدكتوره قالت لي انت من قال انك حامل .. انتي

مب حامل
المهم اهنيه فعلا عصبت وقلت لها انتو عذبتوني ساعه حامل ساعة لا .. وبعدين معاكم قالت .. اقولج خلينا اسوي لك سونار .. خذتني على غرفة السونار وسوت سونار ..

تعرفون شو طلعت ..

حامل

بس حمل خارجي

المهم اتوكلت على الله وقلت يا لله كله خير من رب العالمين .. على طول دخلوني تنويم للمستشفى وبعدين كانو يتابعون حالي بس بدون ما يسون شي لي .. بس كانو يفحصون معدل هرمون الحمل .. المهم بدا هرمون الحمل ينزل ووصل الى 200 بعدين قالو لي خلاص شكله ان الحمل راح ينزل بنفسه . ونحن بنرخصج وعطوني موعد بعد اسبوع .. وطلعت من المستشفى ..

وثالث يوم من طلوعي من المستشفى .. حسيت بالام فظيعه في بطني .. كنت احس مثل السكاكين تقطع بطني واحس مثل الشكه في صدري والله اني ما كنت اقدر اوقف ,, ...

يالله وبعدين ليش تنرفزينه
خلاص سمحيلي ماراح اتابع لاني ماحب هالنوع من المواضيع الي تعصب الواحد الي فيه كافيه
ماتشوفين شر وفمان الله
البنات فيهم البركه

~lulu~ الله يعينج على الصيام
Nancy68 مشكوره حبيبتي .. بس بعدين بتعرفين البقيه .. مافي حمل ولا غير .. بس الله عوضني
مشتاقة لبغداد .. الله يرد لكم بغداد ان شاء الله وكل العراق حر وابي
شو رايكم في السسبنس ...
ما عليه صبرو عليه كل مره بكتب شي لان السالفه طويله وكل مره بكتب لكم حلقة

مشكورين على متابعتكم ..

يا الله القصة مؤثرة ومندمجين لا تقطعيها
يا الله احنا بانتظار التكملة

رجعنا لكم ............ الحلقة 3
المهم زوجي على طول خذني على مستشفى خاص .. ولما حكيت قصتي للدكتوره .. قالت كيف يطلعونج وهم ما تأكدو ان الحمل نزل كله .. هاذي المسأله فيها حياه او موت لا قدر الله .. المهم فحصت علي الدكتوره وحصلت ان كيس الحمل كبير وايد يعني الحمل رجع يكبر بعد ما طلعت من المستشفى .. وقالت لي انا ما اقدر اتحمل المسؤلية لازم الحين ترجعين المستشفى وتتنومين .. ولازم عمليه قبل لا ينفجر الكيس واذا انفجر ومالحقو عليج بيكون فيه خطر كبير على حياتج .. اتصدقون مع الى قالته لي الدكتوره كنت قرفانه من المستشفى ولان الوقت كان ليل قلت حق ريلي خلاص نروح البيت والصبح بروح المستشفى لاني ما احب نومة المستشفيات .. لما سمعتني قعدت اتصارخ على زوجي قالت له اذا ما بتوديها الحين انت بتكون مسؤؤل عن اي شي يحصل لها وانت اذا ما توعدني انك توديها الحين انا برسلها بسيارة الاسعاف .. طبعا لما طلعنا زوجي اصر انه يوديني مع اني كنت اترجاه ان نروح الصبح .. وعلى فكره الدكتوره بعثت معاي صور السونار الي باين فيهم الكيس .. لما وصلت المستشفى على طول راويتهم الصور وبعد دقايق دخلوني الطواري وهات يا فحوصات واسئله ويقولون لي انت من طلعك من المستشفى وليش ومن اسم الدكتوره الى طلعتك وكلام من هذا .. المهم اخر شي قررو القرارا الاخير لازم نخليك تحت الملاحظه وبنعطيك ابره تنزل الكيس واذا ما فيه فايده على طول غرفة العمليات .. ومنعو عني الاكل تحسبا لدخولي غرفة العمليات في اي دقيقه .. .......
تعبت اكمل بعدين