السلام عليكم يا اخواتي العزيزات
انا بصراحة ما كان ودي اكتب و اترك الامور تسير على راحتها بس التفكير ذابحني من لحظة اللي اصحى من النوم لحد ما انام و اعصابي كلش مشدودة ..
موضوعي هو اني اعاني من التكيس و صار لي سنة و 3 اشهر من تزوجت و لا صار حمل فرحت لدكتورة و عطتني بروجيلتون لتنظيم الدورة و صارت تجيبني مضبوطة بس قليلة واااااااااااااااايد يعني قبل ما كنت اخذ الحبوب كانت تمهل شهر.. شهرين ... ثلاثة ... بعدين تجي قوية ، الحين لا بالكثير ثلاثة ايام و هي مودعة
على العموم لما انتظمت الدورة رحت لها قبل شهر و عطتني كلوميد بمعدل حبتين يوميا و دفاستون حبتين لمدة 8 ايام و عطتني اوقات الجماع .. المهم انا العبقرية قلت في بالي اني بسوي كل شي في هالشهر عشن يصير حمل فأخذت العشبة اللي اسمها القشعة من 3 يوم الدورة لحد 5 يوم الدورة و شربت عصير اناناس يجي تقريبا كارتونين و شربت خلطة العسل مع حبة البركة و غذاء الملكات و بودرة اللقاح و في تاريخ 21 ييدورة سويت تخليل و النتيجة كانت
هرمون الحليب مرتفع وااااااايد و واصل 49.5 بعد ما كان ااول مرة 20 فالحين يا بنات الدكتورة عطتني الدوستنكس لمدة اربع اسابيع بمعدل حبة في الأسبوع و عطتني كلوميد 3 حبات يوميا من 3 يوم الدورة و دفاستون و ارد احلل مرة ثانية في 21 الدورة
الغريبة انها في المرتين اللي طافت ما طلبت تكشف علي بس اول مرة لما شافت التكيس ، و لا قالت لي اذا تأخرت عليكي الدورة حللي
انا الحمد لله املي بالله كبير و ان شاء الله ما راح يخذلني
بس شنو تشوفون هل البرنامج اللي تتبعه معي صحيح و لا بطيئ وااااااااايد؟؟؟؟ انا احس اني اغلي لأني احس انها ممكن تعطيني اشياء غيربس هي على مهلها مع العلم انها دكتورة شاطرة و انا مرتاحة لها
يا بنات ريحوني و اذا فيه وحدة حملت بنفس العلاج تخبرني و تريحني . الله يريحها و يعطيها اللي في بالها بحق هذا الشهر الكريم
و سامحونس طولت عليكم وايد بس ما عندي احد افضفض معه غيركم حتي زوجي لما اتكلم معاه يتأفف .. ويش اسوي .. الحمد لله على كل حال
في انتظار ردودكم يا اخوات
(( رب لا تذرني فردا و انت خير الوارثين ))
الروابط المفضلة