السلام عليكم ورحمة الله وبركاته
آسفة جدا على التأخير المعذرة لكن عشان هذه الولادة الثالثة لي فالأولاد ماخذين كل وقتي
أنا ولدت يوم الأحد 19-8-2007وقبلها جربت كل شيء ومافاد وقررت بعدها إني ماأخذ أي
حاجة وقبل ولادتي بيوم قلت طفشانة أبغى أمشي شوية مشيت ثلث ساعة وتعبت وقلت لزوجي
أبغى أرجع السيارة إلا وحسيت بشيء ثقيل زي إللي نزل قللي زوجي شكل الولادة قربت ورحت
البيت وقمت أصلي الفجر إلا خيوط دم مع إفرازات صليت ونمت عشان تجي الولادة بسرعة
هههههههه قمت الظهر إلا وزادت مع طلق جدا خفيف كلمت الدكتورة قالت اصبري ماأبغاكي
تروحي المستشفى بدري وصبرت اليوم كله والطلق تدريجيا يزيد وعلى طول كنت أكلمها بالجوال
تقوللي لسه كانت تقوللي كل ماتجي الطلقة إمسكي بطنك تحسيها مشدودة أقولها لا قالت يمكن
طلق كاذب وأي جديد كلميني على طول قلت طيب مع إني ولدت مرتين قبل كذا لكن الولادة هذه
مختلفة مانزلت موية قبل كذا أول شيء الموية بعدين الطلق المرة ذي مختلفة المهم صرت أحس
بنغزات تحت قاللي زوجي يالله المستشفى قلت أصبر شوية لحد ماحسيت النغزات من تحت من
قدام وورى وآلام شديدة ويالله أمشي قلت حتى لو الدكتورة قالت اصبري أنا رايحة رايحة
وكلمتها وأنا بعبايتي قلت انا رايحة الطواريء قالت أبغى أكشف عليكي بنفسي تعالي لي
في المركز الطبي الدولي(وأناحملي كله في التخصصي)قلتلها ماعندي ملف فيه قالت تعالي
أنا أدخلك وقلت لزوجي خلينا نروح لأني مررررة تعبانة ورحنا ودخلوني على طول وقالتلي
إللي في الرسبشن شكلك خلصانة وحتولدي عندنا قلتها لا أنا ملفي هناك قالتلي شكلك ماحتلحقي
وفعلا شافتني الدكتورة قالت يمكن تولدي هنا وكشفت إلا المفاجئة قالت ماشاء الله9سم
ولادة دحين إلا أنا شويه وأبكي قالت يالله خذوها على غرفة الولادة شويه وأجيكي وأنا في حالة
ذهول قالتلي الممرضة انتي لوتأخرتي شوية كان ولدتي في الطريق والحمد لله تسهلت الولادة
بس كان الدفع بسيط عشان كذا جلست 3ساعات وبعدها جبت باسل الله يحفظه هو وأخوانه
وهودحين مجنني في النوم..صراحة الدكتورة سماء ناظر دكتورة جدا رائعة والمستشفى
فايف ستارز وسبحان الله كنت ابغى في مكان وولدت في ثاني...يارب لك الحمد..
ويارب سهل للجميع ولادتهم يارب
الروابط المفضلة