السلام عليكم و رحمة الله و بركاته
اذكر اول موضوع ليا في المنتدى كان من اربع شهور تقريب و كنت بسال عن وضع اختى الحامل في بداية الشهر الخامس و المشيمة كانت نازلة و بتنزل دم و افرازات و الحمد لله الاخوات كلهم هنا طمنونا و شاركونا بخبراتهم
اختى في الاسبوع الثالت من شهرها التاسع الدكتورة قالت لها ان راس البيبي لسه فوق مش في مكانها و متقدرش تحدد الولادة طبيعيه او قيصرية قبل ما يمر عشر ايام كمان و قبل ما تمر العشر ايام كلها نزلت افرازات مخاطية على اختى فيها عروق دم و ماما قالت انها علامة الولادة و ان عنق الرحم اتفتح
قعدت اختى تنتظر مغص او نزول كيس الماء بدون اى نتيجة لمدة يومين كاملين بس افرازات و في اليوم التالت نزل عليها دم كتير و رحنا للدكتورة اللي اكدت لنا ان البيبي لسه فوق و الرحم اتفتح و المشيمة هى اللي نازلة الاول عشان كده يستحيل الولادة الطبيعية و حولتنا على المستشفي في نفس الساعة
و الحمد لله ولدت اختى قيصري و الله عذاب لكن الحمد لله ربنا بيهونها و بقت احسن كتير دلوقتي و البيبي الحمد لله بخير و اسمها نور
شكرا لكل اخت نصحتنا و فادتنا بخبرتها و يارب يرزق كل محرومة و يقوم كل حامل بالسلامة يارب امين
الروابط المفضلة