السلام عليكم ورحمة الله وبركاتة

اتمنى ان اجد جواب لسؤالي

لقد كانت دورتي الشهرية في 18/7 وبعدها جاتني الدورة في 13/8 وانا دورتي كل 26 او 27 يوم بعد الدورة نزلت على قطع حمرا مثل الخيوط ومادة بنية لزجة ومعاها الالام بالظهر والبطن اول يوم بدا ينزل الدم فحصت حمل طلع موجب رحت المستشفى وقالو لي ان الرحم نظيف ونسبة هرمون الحمل 199.7 قليلة على اربعة اسابيع بس نعيد الفحص بعد يومين وفحصت طلع الهرمون 224.4 وقالو لي ان الزيادة قليلة جدا الا لم خف كثير بس مب عارفة هل هذي الزيادة يعني خلاص انتهى الحمل والا في امل يستمر والا شنو السالفة ؟؟؟؟؟؟؟؟؟؟؟؟؟؟؟؟؟؟؟

مافهمت يعني انتي سويتي سونار وقالولج الرحم نظيف وله شنو بالضبط

انا اقول سوي تحليل حمل دم عادي مو هرموني بعد 3 ايام وشوفي ان شاء الله الحمل لسه موجود

زي ماقلت لك الأخت لو لو سوي اختبار حمل بس مش رموني وان شاء الله الحمل موجود

بماا نه الرحم نظيف هذا الي فهمته معناته نزل كل الحمل او الجنين
وبالنسبه لتحليل الحمل حتى بعد الاسقاط ياخذله فتره على ماينزل يعني مو بلحظتها يمزل الهرموون
يبيله اسبوعين ثلاثه على مايختفي من الدم ووالله اعلم
الله يعوضج خير يارب وانطري يمكن مابين الحمل عدل وان شاء الله يكون موجود

شكرا لج اختي لولو واختي فطومة قمرهم
ايه اختي لولو انا سويت التراساوند وقالو لي الرحم نظيف وسيت تحليل البول والدم العادي وطلع للحين موجب بس الي محيرني ليش ارتفعت نسبة الهرمون المفروض تنقص صحيح زيادة طفيفة بس اسمها زيادة؟؟؟؟؟؟؟؟؟؟؟؟؟؟؟؟؟؟؟
والله مب عارفة افكار يمين وافكار شمال

حبيبتي ربي يعوض خير وكلنه ناطرين الحمل وبما انج حملتي لازم تفرحين وتشكرين الله
والحمل اذا نزل باوله خير من الله لان اغلب التشوهات للاجنه او يكون الطفل غير مكتمل
ومن رحمة الله ينزل عل طول والحمدلله كان في بدايته
يعني مو 6او 7 شهور وتعلقتي فيييييه
ربي يرزقج قريب ويرزقنا معاج وكل ومحرووووم

وصدقيني بعد اسبوعين بتلاقين التحليل نزل والله يسهل يارب ويرزقج من باب واسع

ان شاءالله ما بيكون الا كل خير
وتوكلي على الله وادعي ربج
لوكان خير يحفظلج الجنين واذا شر يصرفه عنج
وطبعا لولو ماقصرت وان شاءالله ربي يعوض صبرج خير

مشكورة اختي لولو ما قصرتي واكيد الحمدلله في كل حال وام مهره ما قصرتي
والله يرزقكم الذرية الصالحة ويسر اموركم يارب بهذه الساعة المباركة

اللهم امين ياقلبي اجمعين ان شاء الله ربي يفرح قلبج قريب

ما شاء الله لولو ما قصرت ابدا ابدا جزاها الله الف خير

وربي يعوضك اختي