اخواتي الحبيبات
بكان نفسي ابشركم لكن اين من العنوان ان الحمد لله ما حصل حمل .. الحمد لله كما ينبغي لجلال وجهه وعظيم سلطانه
يوم الاحد امس بعت عينة دم لاحسن معمل على مستوى البلد كلها وقبلها بيوم كنت متصله بيهم ومتفقه على موعد التسليم ... المهم فضلت جمب التليفون في الموعد اتصلت قالو لي كمان عشر دقايق .. من الساعه 9 الى الساعه 12 مساءاً وهم يقولوا لي كمان عشر دقايق وبالاخر معتش حد رد عليه وروحو
طبعاً كنت هتهبل وفضلت طول الليل على اعصابي والنهارده الصبح عملت تحليل بول الاول قلت يمكن .. طلع سالب .الحمد لله .. بعدها اتصلت بيهم .. حولوني على الدكتور على اساس يقولي النتيجه قالي اسفين اول ما تظهر هنتصل بيكي .. حسبي الله ونعم الوكيل .. فهمتهم انها اخر مره اتعامل معاهم وطبعاً وانا متعصبه
بعد حوالي ساعه اتصلو بي واخبروني ان مفيش حمل ... الحمد لله
انا لله وانا اليه راجعون ... والله تجربه صعبه وسيئه وكرهت الاخصاب المجهري بكل تفاصيله .. سبحان الله .. بالرغم من كده ناويه ان شاء الله اعمله تاني بس مش قبل 6 شهور على الاقل ان شاء الله ... ربنا ما يضطرني له تاني ويرزقني واياكم بالحمل الطبيعي.
والله يا بنات اعصابي ادمرت ... اللي يقول ان في علامات معينه قبل التحليل بتقول ان في حمل فهو مخطأ لاني في المرتين اللي حصل حمل واللي ما حصل كانت نفس العلامات .. ريحة البول الغريبه ودخول الحمام المتكرر والم المثانه وقابلية للاكل خاصة اكل معين والمغص الخفيف والم الظهر ...وغيرها كلها للاسف بسبب المثبتات والهرمونات اللي بناخدها بعد نقل الاجنه.
الحمد لله .... ما اعتقد اني هقدر استمر بركن الحمل هنا بعد كده .. محتاجه انسى التجربه كلها وابعد عن التفكير في الحمل ... هشتاق لكم كلكم ... وأسأل الله ان يرزقكم بالذريه الصالحه الطيبه
لو قدرت اليوم هحكي لكم على اللي حصل معي هذه المكره في نقل الاجنه لاني اعهتقد انها بمشيئة الله السبب في عدم حدوث حمل .. الحمد لله
الروابط المفضلة