مش عارفة ابدا الموضوع منين ... لكن تعبانة و عايزة افضفض
انا ماكنتش عايزة اكتب الموضوع علشان مايكونش فال وحش على الحوامل خاصة ان اول موضوع قريتة و انا حامل كان نفس اللى حصل لى
انا تزوجت من سنة و كنت من اول شهر بتمنى يحصل الحمل لانى مافيش حاجة تملا حياتى فكنت منتظرة البيبى على احر من اجمر
و بعد 3 شهور ذهبت للدكتورة للاطمئنان اذا كان هناك ما يمنع الحمل و عملت سونار و طمنتنى ان كل حاجة تمام و نصحتنى بالجماع بادية من عاشر يوم للدورة لليوم العشرين و فعلا رزقنى الله بالحمل مش قادرة اوصف لكم لحظة ما عرفنا انا و زوجى انى حامل كنا هنطير من الفرحة
و بدأ الوحم و ما ادراكم كيف كان الوحم نوم و غثيان و قىء حتى اننى كنت لا استطيع عمل امور بيتى البسيطة من اكل و تنظيف و خلافة (ربنا يخلى لى زوجى هو اللى كان بيعانى لما امشى من عند ماما) و مرت فترة الوحم الصعبة و الحمدلله و هى لم تتجاوز الشهرين
و فى نهاية الشهر الخامس اخبرنى الطبيب ان السوائل قليلة شوية و لازم اخد اسبرين اطفال للحفاظ على مستوى الماء حول الجنين و بعدها بحوالى اسبوعين شعرت ان حركة الجنين قلت جدا و ذهبت للطبيب فى غير ميعادى للاطمئنان على الجنين و اخبرنى ان السوائل قلت مرة اخرى و اعطانى حقن كالهيبارين مرتين يوميا و كنت خلال هذه الفترة حجزت عند دكتور استشارى كبير لعمل سونار رباعى للاطمئنان على كلى الجنين و اخبرنى هذا الاستشارى الفز الذى يقال عنه انه استاذ الاساتذة ان البيبى سليم و الكلى تعمل بكل كفاءة لكن لازم اكل 6 وجبات بروتين يوميا بالاضافة الى مكمل غذائى و حقن مقوية مرتين يوميا ليصبح اجمالى احقن 4 يوميا ( منة لله , حسبى الله نعم الوكيل فية و فى اهماله الذى قتلنى) حسسنى انى بموت البيبى و انى مهملة و ان حتى الطبيب اللى بيتابعنى مقصر و انى احتمال اولد بعد اسبوع او 2 مثلا و قتها كنت دخلت الشهر السابع طبعا لانى انتظرتة اسبوعين و كان كلامة سبب خلاف كبير بينى و بين زوجى لانة اصبح دائما يلوم عيا لان اكلى قليل
طبعا اخذت التقرير و ذهبت للدكتور المتابع لاخبره بهذا الكلام و ان البيبى بيموت و هو مش عارف فاعطانى جرعتين حقن كورتيزون لاكمال نمو الرئة علشان لو احتاج البيبى الولادة مبكرة
و استمريت هكذا فى الم الحقن الى نهاية الشهر التامن و وقتها شعرت ن حركة البيبى تكاد كون متوقفة و وقتها طلب منى الطبيب المتابع عمل دوبلر علشان نشوف الدورة الدموية للجنين و اذا كان لازم اولد و لا نستنى شوية و فعلا عملتها و الدكتور قالى اسبوع او 10 ايام و اولد و بعد اسبوع عملتها تانى و قررو يولدونى لكنطبعا ولادة قيصرية علشان البيبى ما يتعبش و كمان احتمال يحتاج حضانة
و ولدت لكنى لم اجد ابنى و تانى يوم اخبرنى زوجى بالصدمة المروعة
البيبى مات من غير ما اشوفة ... شهر يا ابنى و انت بعيد عنى بعد ما كنت عايش فى بطنى
تسع شهور بحلم بية و بكلمة و لحظة ما ولدتة فارقتة بدل ما اشوفة و احضنة و افرح بية اعرف انة مات
و الكارثة الاكبر انة كان مشوه الكلى و الرئة لا تعملان و ايدة و رجلة مشوهة
كلام الدكاترة الكبار دول كلهم طلع غلط كلهم اعطونى امل كاذب 9 شهور و انا بحلم اشوفة و اشيلة و فى الاخر اخدت صدمة عمرى مات من غير ما اشوفة و لا احضنة ...كنت بحلم باللحظة اللى اقعد استناه يفتح عينة علشان اشوف لونها او يمسك صباعة بايدة الصغنونة
حتى الحمل تانى صعب لانى والدة قيصرية و كمان ازاى اخلف و ابنى كان عندة تشوهات
ادعولى ربنا يرحمنى و يصبرنى
الروابط المفضلة