كتبت بواسطة
ريناملاك
ازيك يا لولو
الله يعوض عليك و عليا و على كل ام فقدت اغلى ما فى حياتها
انا هقولكم قصتى بردة
تعرفو انا من نهاية الشهر الخامس بيقولو لى ان السوائل قليلة لكن كنت واثقة فى الله ان الطفل سليم
و قلت بردة اعمل سونار رباعى علشان نتطمن و رحت لاكبر دكتور فى مصر (اسمة سعيد التهمى منة لله) قالى ان البيبى سليم 1000000% و قالى ان نقص السوائل نتيجة نقص البروتين و لازم اكل 6 وجبات بروتين يوميا
و سمعت كلامة و اعطانى حقن مقويات و حقن لتساعد على سيولة الدم ( ليصبح الاجمالى 4 حقن يوميا ) و حتى الشهر التاسع و الى يوم الولادة و هم يقولون ان الطفل سليم قبل الولادة باسبوع عملت سونار تانى عند د.فريد نجم و بردة قالى ان البيبى سليم 100000% لكن لازم اولد قيصرى علشان البيبى مايتعبش تخيلى ان البيبى طلع ايدة و رجلة مشوهة نتيجة نقص المياة و طلع ان نقص المياة كان نتيجة عدم عمل الكلى و الرئة (موجدين لكن لا يعملو) البيبى ماقدرش يتنفس خالص و بيقولو انة حتى ما صرخ عند الولادة
مع ان وزنة كان 3 كيلو و شوفت صورتة ..كان امور خالص احلى مما كنت متصورة
تخبلو الصدمة لما تكونى والدة و بدل ما تشوفى ابنك اللى منتظراه بفارغ الصبر تعرفى انة مات
دة غير الم العملية القيصرية اللى استمر اسبوع و الى الان مازال الالم موجود مع انى بقالى شهر لكن بردة الم العملية لا يقاس بالم فقدان ابنى و حتى مش عندى امل فى حمل قريب بسبب العملية
ربنا يعوض علينا و لو انى اظن لو ربنا اعطانى 100 ولد مش هقدر انسى اللى حصل لابنى اول فرحتى اللى راح منى
الروابط المفضلة