ألف حمد وشكر لك يا الله .. تمت ولادتي يوم الثلاثاء 17-7-2007 الساعة 7 مساءا
وإليكم القصة بالتفصيل
مثل ما بعضكم يعرف ان الطلق ابتدى معاي يوم الأثنين الصبح بنزول افرازات مخاط ودم وتميت أعاني طول اليوم مع طلق بارد وخفيف وانتظرت للصبح ونصحتني دكتورة لولا اني أروح المستشفى
أخذني زوجي للمستشفى الساعة 7 الصبح وبعد الكشف طلعت متوسعة 2 سم خلوني عندهم في المستشفى ونقلوني لغرفة الولادة وانا كنت مستغربة توقعت يرجعوني البيت لأني توني 2 بس خبروني أني لأن آخر ولادة عندي كانت قيصرية فاحتمال القيصرية وارد وعشان جذيه خلوني المهم تميت على هالطلق البارد للعصر وما حمى الا الساعة أربع ويوم كشفوا صرت 4 سم وبعدها تسارع الطلق بسرعة بس كنت وصلت حدي من التعب والارهاق طوال يومين المهم تمت الولادة الساعة سبع وأول ما رموا البيبي على بطني سألتهم ملهوفة شنو جبت ؟؟؟؟؟
قالوا ولد !!!!!!
قلت عندي ثلاثة أولاد بالبيت بس ألف حمد وشكر لك يا رب على هالهدية ولد معافى ومثل العسل سميته هشام
دعيت لكم كلكم .. الله يهون ولادتكم ويقومكم بالسلامة يا رب
الروابط المفضلة