خطتي الجديده للحمل بأذن الله
مساء الخير جميعاشخباركم حبيباتي الصراحه فتحت هالموضوع الي حابه اقولكم فيه اني حابه اجدد من حياتي وطريقتي من يوم وطالع
يمكن تتساؤلون شلونانا اقولكم الحين شلون
الصراحه من مدة عشر شهور او اكثر قررت احمل ومن يومها همي الحمل والمواقع والتفكير
والمحاتات والي اليوم مع الاسف ماتحقق الحلم على العلم بديت علاج الشهر الي فات
وقررت بيني وبين نفسي اني اغير من حياتي واجدد فيها وبهالطريقه راح يخف تفكيري
واريح مخي واخلي كل شي على الله
طبعا ماراح اوقف العلاج والمراجعات الى ان الله يكتب ويرزقني الحمل
قررت اللاتي !!!!!!!!
اولا شي تدورن الوحده مع الحمل واللاده والرضاعه لابد يزيد وزنها
وانا قرتت انزل 15 كيلو الزياده في وزني
واراقب اكلي
واحاول اكل اكلي صحي
ثانيا انا على طول اشترك بنادي رياضه بس صارلي 3 شهور موقفه نادي
وان شاء الله من باجر راح ارجع العب ساعه باليوم الى ساعه ونص مابين مشي بايك
واحاول سباحه اذا قدرت
ثالثا راح احاول اكثر طلعات مع عيالي اغير جو ولو انه الجو حار بالكويت
لكن عشان انا انسى واغير جو وارتاح وترتاح نفسيتي
رابعا انا نومي منظم ومااحب اسهر راح احاول انام عدل ومن غير تفكير
ومن غير ارق
خامسا راح اخف من النت وهذا وايد مهم لان كثرت السيرج وقراءت كلام هذي وهذا
والدكتور الفلاني والخلطه الفلانيه شوشلي مخيراح اكون متصله فقط معاكم بالمنتدى
وراح اخفف سيرج بمواضيح الحمل والكلوميد والابر والدراسات والخلطات
ختاما وهذا اساس الموضوع هو حابه اتقرب اكثر الى الله بالاستغفار والحمد
والشكر والنوافل والصدقه والدعاء والتضرععشان ربي يكرمني ويرزقني من عنده
وبهالطريقه راح يقل تفكيري بالحمل وانشغل بأشاء كثيره طبعا مااقدر اشيل الفكره كليا من راسي
ابدا مااقدر بس اققل من التفكير فيها
شرايكم بالي راح اسويه وشنو نصايحكم لي ومنو وده ينظم لخطتي الجديده
ابي رايكم بصراحه ونصايحكم وتجاربكم الي راح تفيدني واييد
وابي تدعولي بالتوفيق ولاتنسوني من دعواتكم الطيبه
عسى ربي يكتب للكل الحمل والحمل عسى ربي يهون عليهم ولا يضع تعبهم
تحياتي لكم اختكم المحبه
lulu
رد مع الاستدلال
كلامج صحه ميه بالميه تسلمين يارب
كتبت بواسطة خدوومه
الروابط المفضلة