أخواتى العزيزات

أولاً لقد أعجبنى جداً منتداكم الجميل وقررت أنى أنتمى اليه وأكون عضوة به وأخت ليكم .
ثانياً أنا من مصر من إسكندرية ولكن عايشة بالقاهرة مع جوزى وأحب أنى أعرف من أى أخت مصرية من بالقاهرة أسعار الولادات وأماكن دكاترة كويسين وأسمائهم فى القاهرة وياريت كمان أسامى محلات لبس للحوامل بس مقاسات كبيرة وتعبتكم معايا ويارب ان شاء الله تكون معرفتى بيكم دائمة وخير للأبد وشكراً.

ممكن اكون اول من الهيردوا عليكى انا بتابع عند دكتور استشارى فى وسط البلد اسمه شريف خطاب المتابعه تدفعى 600 جنيه من اول يوم فى ا لحمل لغايه الولادة باذن الله والولاده بيولد فى مستشفى مصر الدولى فى الدقى والاسعار لو طبيعى 1800 جنيه بالمستشفى او قيصرى ب5000 جنيه بالاقامه وهى مستشفى كويسه وفيها كل الاحتياطات من دكتور استشارى اطفال وحضانه لقدر الله وربنا يقومك بالسلامه

ميرسى أوىىى يا ليزا ربنا يخليكى ياارب وان شاء الله تقومى بالسلامة يااارب وانا كمان ولو ممكن تكتبيلى عنوانه وبجد انا متشكرة اوى على ردك.

الاخت الغالية Afrass

نورتى المنتدى و نورتى القاهرة كمان

لكن انت ماقولتيش انت من فين فى القاهرة يعنى عايزة تشوفى محلات فى اى منطقة و تتابعى مع دكتور فين

عموما انا هقولك على تجربتى الخاصة و شوفى يمكن حاجة منها تنفعك

انا ساكنة فى الجيزة و بالتحديد فى الهرم و بتابع مع دكتور فى شبرا طبعا بعيد لكن انا رحت لة لانى صادفت ناس كتير جدا جدا بيتابعو معاه من مناطق كتير فقولت اجرب و ارتحت لة يمكن لانة كبير فى السن هو اسمة رفيق حلمى لو احتجى تليفوناتة ابقى ابعتها لك

بالنسبة لهدوم البيبى انا جيبت هدوم الخروج من محل اسمة كنوز فى كايرو مول فى الدور الثالث تقريبا او الخامس مش فاكرة اوى هو محل ظريف اوى فية كمية حاجات كتير جدا يمكن عيبة بس انة مش منظم اوى لكن البنات هيساعدوكى

و كمان جيبت هدوم الحمل من نفس المحل عندهم بنطلونات حمل ممتازة

اما هدوم البيت و الهدوم الداخلية انا رحت وكالة البلح بصراحة فرق الاسعار يستاهل المشوار طبعا كلها هدوم قطنية و لاقيت حاجات حلوة جدا بنص التمن بتاع المحلات التانية لكن مافيش هناك هدوم خروج حلوة

فى بردة فى ميدان الجامع فى مصر الجديدة اول محلين على ايدك الشمال قدام ريموندس حاجات حلوة و اسعارهم معقولة لكن عموما ماتكتريش هدوم للبيبى لان بيقولو ان المقاس بيتغير بسرعة يعنى انا جيبت بس 5 او6 اطقم خروج و منهم حاجتين بناتى و البيبى احتمال يكون ولد و طبعا الهدوم الداخلية و البنطلونات كل نوع دستة يعنى دستة فلنات دستة بنطلونات و هكذا

طبعا انا طولت عليك جدا بس يارب اكون قدرت افيدك و لو عندك اى اسئلة انا تحت امرك بس ياريت تحددى الاماكن اكتر
و تقومى بالف سلامة

الاخت العزيزة رينا
ميرسى جداً جداً جداً على مجهودك معايا وربنا يقومك بالسلامة ويطمنا عليكى وبعدين تحكيلى عن الولادة ومتاعبها حبيبتى أنا ساكنة فى فى اول شارع المأمون ومعرفش اى حاجه هنا وربنا معايا وأدينى بتعلم ومرة تانية ميرسى يا قلبى على ردك الحلووو وقوليلى انتى لسه معرفتيش البيبى ولد ولا بنت؟؟؟ربنا يقومك بالسلامة يااارب.

يا جماعة ساعدونى

اهلا بيكى
انا عارفه دكتورممتازممتاز انا متابعه معاه الى ان يكتب ربى لى الحمل باذن الله
وهو بمستشفى الميرلاند باول جسر السويس يعنى قريب منك شويه والولاده الطبيعى بحوالى 600 والقيصرى 1800
وبيروح مستشفى عين شمس التخصصى يوم الاثنين من الساعه 8 الى الساعه2
وعيادته فى شارع احمد عصمت من جسر السويس امام نادى الشمس ورقم تليفون العياده 24911990
وربنا يقومك بالسلامه وعقبالى يارب انا وكل البنات
امين يارب العالمين

ميرسى يا حبيبة تيتو وربنا يرزقك الذرية ياااارب قريب ويفرح قلبك زى ما فرحنى واباركلك ان شاء الله بس قلتيلى كل المعلومات دى ونسيتى تقوليلى اسم الدكتور

يا بنات كل اللى من القاهرة تكتبلى ويبقى جزاها الله خير

حقيقى مش بعرف دكتور حمل كويس
بس فى شارع شهاب فى المهندسين محلين واحد اسمة 9 le
7le
فيهم لبس حلو اوى وشيك للأطفال ومش غالى خالص
وتقومى بالف سلامة