انا فكرت انهارده فى الموضوع لانى عيد جوازى التانى الشهر الجاى وانا فاكرة انى زى الوقت ده من سنيتن قبل جوزاى بشهر كنت بدور على النت على موضوع عن طرق تاجيل الحمل فى اول الجواز
وساعتها ملقتش حد ينصحنى بالعكس قريت على مواقع كتيييييييير ان الحبوب لمدة سنة شهور لسنة ملهاش تاثير وان ده عااااااااااادى جدا وبناء عليه اخدتها وانا مطمنة على الاااااااااااااااااخر
ورغم ان اكتشتفت مؤخرا ان سبب تاخير الحمل مش الحبوب وان المشكلة عند جوزى مش عندى بس برضه بندم على اللحظة اللى فكرت فيها ادخل فى ارادة ربنا واجل الحمل "قال ايه " عشان استمتع بشهر العسل واظبط حياتى واتعود على الجواز الاول وبستغفر ربنا قوى على انى قولت لا وانا لسة مش ضامنه اذا كان هو يدينى اصلا ولا مش عاوز
وشوفتت كمان فى المنتدى حالات زييى زي ملاك لبنان عى كمان اجلت قبل الجواز ومنارة الحياة كمان بتقول انها وجوزها استعملو القذف الخارجى
وسبحان الله احنا التلاتة لسة مكتبلناش ربنا لحد دلوت رغم اننا بطلنا الموانع " قال يعنى احنا اللى كنا مانعين" وقال لما نعوز منمنعش نقدر فعلا نجيب
عشانن كدة قولت اكتب الموضوع ده يمكن فى حد فى الوقت ده بيفكر زييى وبيدور فىالنت على طريقة ياجل بيها الحمل اول الجواز او حد من بنات المنتدى يعرف حد بيفكر فى كدة
يمكن ياخدو العظة وميقعوش فى نفس الغلطة
انا مش هنسى لما روحت للدكتور عشا ن يكتبلى حبوب وقاللى وهو انتى ضامنه انك تجيبى؟
فعلا انا عاوزة اوجهه نفس الجملة لكل من تسول لها نفسها تفكر فى تاجيل الحمل اول الجواز لاى اعتباراات حتى لو مادية لاننا مش اللى بنرزق واذا كانو شايفين ميقدروش يتحملو مسئولية بيبى يبقى ياجلو الجواز من اساسه
الروابط المفضلة