السلام عليكم
اخواتى وحبايب قلبى
دايما بشيلكم همى واتعبكم معايا بس والله انتوا اخواتى ومبعرفش اشكى لحد غيركم
الشهر ده اخدت منشط وابره تفجيريه ولما جت اليوم 29 من الدوره روحت عملت تحليل دم هرمونى رقمى
وطلع سلبى والحمد لله بصراحه صمدت اوى وعملت نفسى موش واخده بالى
وفجأه لقيت نفسى منهاره تعبانه وانفجرت فى البكاء ربنا يسمحنى ويغفر لى
كان نفسى اكون حامل اوى طبعا انتوا حسين بيا
وبصراحه كنت من اسبوعين درجه حرارتى عاليه جدا حوالى 39 وكنت بستحمل على نفسى اسبوع بحاله وانا بقول عادى لانى مريت بظروف تعب اكتر من كده كان مصاحب لورم الغده النخاميه
فقلت جايز من الابره التفجيريه او المنشط وقعدت استنى الدوره وانا بصراحه بقول جايز التحليل غلط
وقول يارب اكون حامل
وبعدين بالصدفه حكيت لاختى عن ارتفاع درجه الحراره والبقع الحمرا اللى ابتدت فى جسمى
قالت لازم تروحى لدكتور
روحت لدكتوره امراض جلديه وتخيلوا طلع عندى ايه حصبه المانى
وقالتلى انتى متاكده انك موش حامل لان ده له تاثير على الحمل كبير والجنين كمان
قولتلها لا موش حامل وكتبتلى دوا
بصراحه روحت حيرانه اعمل ايه الدوره مجدتش ولازم اخد الدوا وممكن يكون التحليل غلط
وما هى الا دقائق وجت الدوره
وحمدت ربنا كتير اكيد خير كبير الحمد لله
معلش حكيتلكوا قصه حياتى بس انا مليش غيركم
ياريت لا تنسونى من الدعاء اخواتى وحبايبى
الروابط المفضلة