يا بنات وحشتونى قوى
انا بستغل اى فرصة تجينى انزل النت عشان اتكلم معاكم
انا عاوزاكم فى استشارة سريعة يا ريت لو حد موجود يرد عليا بسرعة قبل ما اسيب النت وا مشى
انا اخدت الكوميد اربع شهور وتعبنى قوى مش دى المشكلة المشكلة انى خلصت الاربع شهور و ده الشهر الخامس وماخدتش فيه كلوميد ولا اى ادوية ومع ذلك تعبانة جدا حاسسه منطقة المبايض عندى هتنفجر وجع جامد جدا فى بطنى وفى ضهرى والدورة جت قبل معادها ب تلات ايام وبرضه الوجع مستمر حتى بعد مخلصت انا مش عارفة اروح لدكتور هنا ومش عارفة ده معناه ايه تفتكرو ممكن اشرب ايه يريحنى شوية ولا لازم اروح لدكتور

أزيك يا ملك عاملة ايه وحشتينا والله
ممكن تشربي ميرامية لأنها كويسة للمغص مع إن الأحسن تروحي للدكتورة
واقرئي الأحسن بردو إنك تقرأئي الرقية الشرعية للشفاء على مكان الألم وإن شاء الله تكوني كويسة

السلام عليك ورحمة الله وبركاته
أنصحك اختي أن تذهبي للدكتور لكي تطمئني على نفسك وهوسوف يعملك السونار للتاكد من سلامة المبيضين لأن الأدوية المنشطة أحيانا تخلف كيس فوق إحدى المبيضين مما يسبب آلاما أو انتفاخ فيهما مثل ما حصل لي السنة الفارطة وقال لي الدكتور أن السبب الإبر المنشطة وأن المبيض عمل بكثرة.
وإن شاء الله تطمئني ولايكون عندك شيء.
وربنا رحيم يرزقنا بالذرية الصالحة ونرتاح من هذه الأدوية.

السلام عليكم
ازيك يا ملك وحشتينى اوى
بصى الكلوميد تاعب ناس كتير اوى اوى وانا كنت بخده وسبته وبيرى تعبانه منه جدا نفخلها جسمها ووشها
هو بصراحه متعب جداجدا
ممكن تسألى الدكتور بتاعك لو ممكن يغيرهولك بمنشط تانى حتى لو غالى شويه موش مشكله
لان الكلوميد كتر استخدامه يسبب امراض وحشه اوى
ربنا يعفيكى ويعفينا يارب

الف سلامة عليكى حبيبتى انا مثلك تعبنى الكلوميد بس احتمال يكون الكلوميد بيفضل تأثيرة فترة بعد لما تبطلى تخدية على العموم الالآم اللى تجيلك معناها ان فى تبويض جيد وانشاء الله يحصل حمل واحتمال تستمر معك ال10 ايام الوسطى من الدورة يعنى قبل التبويض وبعدة وفى كتير استعملوا الكلوميد وبعد ما قاطعوة حملوا لان تأثيرة ممكن يكون على المدى البعيد على العموم كل ما تيجى فرصة تدخلى النت حولى تطمنينا عليكى
وحاولى تشربى مرمرية وكمان بزر الشبت انا جربتة وهو ينشط التبويض

متشكرة جدا ليكو كلكم يا بنات وليكى يا بيرى انتو كمان وحشتونى جدا
رنا يتوب علينا جميعا من الادوية و الكوميد و التعب ده كله ياااااااارب
بس المريمية دى بتباع فين وبتتعمل ازاى وينفع اشرب قرفة او حلبة احسن

عزيزتي الغالية جدا ملك ، كيفك وحشتينا ، يارب يكونو البنات فادوكي المرامية زي النعناع لمن تحطيه بالشاي على حد علمي ، ويارب يكونو البنات فادوكي احنا عندنا ممكن تلقيها عند سوبرماركت كبير

معلش ام عصام مفهمتش يعنى اغليها زى الشاى ولا احطها على شاى

احسن اغليها لوحدها .. يعني مويه مع الميراميه (تحصلين بالسوبر ماركت tea bag) .. بس تخلينها تنقع لمدة 10 دقايق .. وان شاء الله ما تشوفين شر .. وكمان البابونج مهدئ ..

أختى الحبيبة ملك ازيك وحشتينا أوىىىىىىىىىىىىى أحنا كلنا مفتقدينك أنا أول مشفت أسمك دخلت علطووول من غير ما أعرف الموضوع،،، شوفى يا حبيبتى انا اخدت الكلوميد 3 شهور وعملى كياس عالمبيض بعد مالكياس الأولانية راحت وبيقولك لازم تاخدى حقن تفجيرية مع أى منشط عشان كده حاولى تروحى لدكتور لأن غالباً دى أعراض تكيس يديكى علاج أحسن ما تكبر الكياس وتخشى بعد كده فى دوامة الجراحة.
وأنا رأيي بعد متروحى عشان موضوع الكياس ريحى شهر لأنك أرهقتى المبايض جداً أنا عملت كدة وكنت بموت من الألم أنتى بترهقيهم بالكلوميد وبتطلع اكتر من بويضة تتكيس وواحده بس اللى بتنزل وبعد كده تحصلك الدورة ربنا يفرح قلبك يا ملك ياااااااارب ويرزقك وتبشرينا قريب ويرزقنى ويرزق كل محروم يااااااااااااارب.
ربِ لا تذرنــــــــى فرداً وأنت خير الوارثين يارب العالمين.