حبيباتي عضوات منتدى لك...
أناكنت أعاني من عدم الحمل وتعبت نفسيا وتأخرت الدورة وإنجننننننييييت إيجابي سلبي هذا ماأفكرفيه دائما......
جبت جهاز تحليل حمل وطلع سلبي وضقت ورحت أنام بعدكم ساعة لقيت خط خفيف رحت لزوجي أطامر وقومته من عزنومه قلت تشوف الخط الثاني ؟قال:لا قلت ناظر زين وبعد بحلقة طوييييييلة شاف الخط وقلت يعني فيه امل وطيران على المستشفى أحلل قالت مابان شي وبعدكم يوم جبت جهاز وطلع خط الثاني أثقل من الأول رحت لزوجي أطامر إبتسم قعدت أتشكوى لكم وأبي توجيهاتكن والحمدلله لقيتها...
مره ثانيةرحت للمستشفى وحللت وطلعت على أساس أرجع آخذالنتيجة بعد ربع أونصف ساعة قلت لزوجي أنا جوعااانة بس مومشتهية قال وش تبين أجيب قلت مشتهية خبزخبازحااااااااااااار
قال طيب وجاب وقعدت آكل هم هم هم هم ووقفنا عند المستشفى وأنا في لحظة إفتراس للخبز لدرجة أن زوجي قال وش فيك صايرة مشفوحة؟ قلت عذرا فأنا خارج التغطية إتصل مرة أخرى خخخخخ
نزلت المستشفى وأنا قطعة خبز بفمي وقعدت آكلها لحد ماوصلت المختبر ومن الخوف والرهبة بلعت بقووووة قالت اللقمة دردب في المعدة قالت فيه حمل قلت هااااااه قالت مبروك فيه حمل قلت ششششكككرا والعبرة وقفت بحلقي ورحت لزوجي بالسيلرة وأمشي وأمشي لوصدمتني سيارة ماإنتبهت من الذهول والسرحان فتحت الباب ورميت الورقة عليه وقلت حاااااااااامل قال تكذبين قلت والله وقال يالله لدكتورتك الي تتابعين معاها وفي الطريق كملت باقي الخبز ورحت لدكتورة وحصلتها عندالباب عرفتها بنفسي وعطيتها الورقة حقت الحمل وتمشي تدخل الغرفة وأمشي وراها قالت / الله إنتي حامل قلت وأنا مستحية إيه وأمشي وراها مادريت إلا إنها تبوسني أممممبببح ألف مبروك وعطتني بوستين وأحسبها بتطول أثرها أبعدت وصرت أبوووس بالهوااااء فشله وريحتي ياساااااتر ريحة خبز خباااااااز فشششششششللللللله
قالت أطلعي على السرير أباخذ الأشعة وأخذت ماصارشي بس الرحم كبرشوي.......
وعطتني حمض الفوليييك ومثبت وحبوب للغدة
وأسألتي لكن حبيباتي/
أنا أحس بمغص شديد أسفل البطن أبموووووت منه الله يعييين أجل كيف الولادة ماسبب المغص؟
كذلك يجي معاي أسهال الله يكرمكن ماسببه؟
كذلك الرحم فاضي أخاف يصير حمل كاذب من تعرف عن الموضوع ذا؟؟
ماهي الأكلات الي أركز عليها؟
وأنا المفروض إن الدورة تجي ب22وتأخرت يعني كم أسبوع لي حامل؟
الدكتورة منعتني من الكميوتر وذبذباته وبزيادة إنه محمول يعني يمكن أودعكم .............
أرجوالردعلى الأسئلة فضلا لاأمرا...............
الروابط المفضلة