بنات انا كنت اعرف وحده ماتنجب وعندها مشاكل وبعد ماتزوجت كنت اخذ مانع مده 3 شهور وبعدين وقفت وصرت اسوي عزل طبيعي ,الصديقه هذه كانت تعرف اني اسوي كذا ومره من المرات كنت اقولها الدوره متأخره 5ايام وكذا راح يخرب العزل, قالتلي انها مديره المختبر بالمستشفى وراح تسويلي تحليل نتيجته ب10دقايق رفضت وقلتلها مستحيل اكون حامل قالت نجرب وفعلا اخذت مني دم وطلع التحليل موجب,لو شفتو وجهها وهي تقولي الخبر مصدومه لانها تعرف اني اسوي موانع وانا وقتها تفاجأت وقلت يووه مابي حمل الحين, بس صراحه ومن غير زعل رده فعل صديقتي كانت بايخه قالتلي تعالي معاي ودخلتني على استشاري نسا وقالتله(هذه تبغى تنزل الجنين تقدر الحين تنزله) وانا ماقلت كذا انا تضايقت لاني توي متزوجه وابي انبسط فقط, قام الدكتور عصب وقال حرام ايش هالكلام وبعدين بالسعوديه هالشى ممنوع قالتله هي لاتخاف هي تقدر تسافر اي بلد بالعالم بس انت عطنا موافقه , هي تقدر تنزله الان والاتنتظر شوي .الدكتور مااعجبه الكلام ,ولاانا ماعطتني فرصه وبعدين بعد ماطلعت من الدكتور قالتلي تشوفين مستحيل يكمل اكثر من7شهور وراح يموت تشوفين!
وانا مذهوله منها مستحيل تكون هذه امنيتي مهما اكون مابي حمل الحين!
وفعلا يابنات ولدت بالسابع ومات ابني بعد الولاده وانحرقت وبكيت دم!
ومن بعدها كل مااحمل تصير مشكله واجهض لحد ماقطعت علاقتي فيها استمر حملي!
انا يابنات ماقصدي ان اللي ماتنجب تكون كذا لاوالله لان صديقتي الروح بالروح ماتنجب ومتزوجه من زمان والله اني اقولها عن حملي قبل امي وهي تحبني وتخاف علي واضح جدا عليها.
ابي رايكم يابنات هل ماعاد اقول لاحد عن حملي خصوصا بعض الناس والا اتكل على الله واللي يصير يصير؟
الروابط المفضلة