أنا بعد أجهضت بالشهر الخامس .. وكان السبب زي ما قالت الدكتورة ضعف في عنق الرحم .. جتني ولادة مبكرة في الاسبوع العشرين انفتح معاي عنق الرحم وسويت عملية ربط حالا وبس دخلت الاسبوع 23 رجعت معاي الآم الطلق وفتحوا لي الربط وولدت ..

حملت بعدها ب9 شهور .. من رأيي لا تاخذين لا منشطات ولا كلوميد .. الحمدلله دام انك حملتي المره الأولى يعني رحمك بإمكانه إن شاء الله يكون فيه حمل مره ثانية ..

لما حملت هذي المره رحت للدكتورة إللي كنت أراجع عندها في حملي الماضي وما إقتنعت بكلامها (ما عجبني إسلوبها وعنايتها كانت شينه معاي) فاستخرت ربي ورحت لدكتورة ثانية وقلت لها كل الظروف اللي مريت فيها بحملي الأول (ساكنة بالدور الثالث + طالبة جامعية أمشي باليوم أقل شي كيلوين بالجامعة + حديثة زواج والجماع يكون كثير + عدم الراحة + التهابات شديده) .. فقالت لي ممكن إني ما أحتاج لعملية ربط في حملي هذا إذا تجنبنا الأمور اللي مريت فيها بحملي الأول ونتابع بالالتراساوند ونشوف .. والحمدلله إلى الحين الأمور كلها طيبة (طبعا أنا جالسه في البيت أغلب الوقت وأنسدح ولا شغل ولا مشغله )

إن شاء الله الأخت mano83 تكون فادتك ، وإنتي يا أختي العزيزة mano83 أتمنى من الله العزيز الجبار المتكبر إنه يقومك بالسلامة ويطمنك على جنينك وتولديه بصحة وبعافية يارب

الله يسلمك إختي أم عصام .. ويجزاك كل خير