السلام عليكم ورحمة الله وبركاته
كيفكم أخواتي كلكم
وأخص بالذكر سلامات وأم حمدي وتائهه وأم حاتم أم فراس وكيرلي ولوفلي وبنت الأحرار وبيري والورده الصفراء وريحانه الرافدين و...و....و.....ويسامحني اللي نسيته
المهم أنا من أول شعبان اللي راح وأنا أحاول أحمل بس الله سبحانه وتعالى ما أراد
في 15/11/1427هـ أخذت حبوب جرسيال لحاجة في نفس يعقوب قضاها وأخذت علبتين ورا بعض يعني ما ريحت السبعة أيام عشان كنت أبغها تجي 1/1/1428هـ
وبالفعل جات زي ما كنت أبغى وبعد كده وقفتها المهم مر الشهر اللي راح وما حملت ودحين أنا على نهاية وقت الدوره الثانيه وفي هذا الشهر بالتحديد قلت راح أتابع الإفرازات عشان وقت التبويض عاده أنا ما أعرفه لكن المتوسط لها في يوم 17 من الدوره ولكن ما حدث هذا الشهر أنه لا إفرازات
إلا الأسبوع إللي راح جات إفرازات بسيطه كانت تجيني عادة قبل أسبوع أو عشرة أيام مما تجي الدورة الجديده ولكنها قليله جدا لدرجة إنها تنزل شويه وبعد كذا توقف ما كانت كذا من قبل كانت من قبل كثيره لدرجه إنها تطفشني في الغيار وأحيانا أحسبها(الله يكرمكم) الدوره جات أو إني تبولت على نفسي من كثرتها لكن هذا الشهر لم يحدث هذا الشيء معي.تنزل وبعد كده توقف يوم أو يوم ونص ونوعيتها الله يعزكم زي الكريمه بس مصفره شوي
وأساسا الإفرازات اللي كانت تتكلم عنها الأخوات زي البيض وبعد كده تصير لزجه وشفافه ما صارت هذا الشهر وكنت ألا حظها من قبل عندي ،إيش يكون ما في تبويض؟؟؟
معليش كثرت عليكم بس كل شهر بعدي بتكبر بنتي فيه زياده وأنا ما أبغى يصير الفرق كبير بينهم عشان يلعبوا مع بعض وهذا الشيء أريح يكونوا مع بعض يكون التعب واحد
اللي أبغاه منكم الدعاء لي بذات أخوات الحوامل في الشهر التاسع وعلى وش ولاده لا ينسوني وهم يولدوا
الروابط المفضلة