بسم الله الرحمن الرحيم
أخواتي العزيزات أنا لي فترة وأنا استعمل منشطات وبعدها ابر تفجير والله ما كتب حمل لي والحمد لله على كل حال وان شاء الله يرزقني وإياكم. المهم في الأخير قال لي الدكتور لازم أشعة الصبغة ولأنها أول مرة أنا خايفه كثير منها أحب اخذ رائكم للي مجربتها قبل كذ هل توجع كثير زي ما اسمع وهل لها اضرار وهل هي ضرورية وأحب اعرف إذا فيه واحده عملتها وحملت بعدها بالله ابغى اطمئن الله يطمئنكم

السلام عليكم ورحمة الله وبركاتة........

أنصحك أختي مزون إنك ما تكثرين من المنشطات لأن الدكتورة وصفت لي المنشطات 3 شهور ورى بعض وآخر شهر وصفت لي مع المنشط أبرة تفجير ومع ذلك ما صار حمل بل العكس صار عندي تضخم وكيس على المبيض الأيمن وجلست أعاني 6 شهور من الألم الشديد في أسفل البطن قبل وبعد كل دورة
بعدين رحت ل أستشارية وقالت سبب تضخم المبيض لانه كان عندي تكيس من قبل لذلك لازم نعالج التكيس قبل ما تاخذين منشط والحين لي 3شهور وانا اعالج والحمد لله وبالنسبة لأشعة الصبغة تكشف الأنسدادات في قنوات فالوب وتساعد على الحمل وهذا حصل مع صديقتي وبالنسبه للألم ألم بسيط لكن علشان تاكدين ان قنوات فالوب سليمة.

.والله يرزقك ماتمنين

السلام عليكم و رحمة الله تعالى وبركاته
انا كنت باخد منشطات المبيض لمدة شهرين وفي الشهر الثاني اخدت ابرة تفجيروفي الشهر الثالت حملت و الحمد لله ما اعاني من اي شيء.يمكن طريقة العلاج هي المشكلة والله اعلم .

انا كان عندي تكيس وعالجت بالكلوميد واخذت ابره تفجيريه وماحصل حمل
وبعدين سويت اشعة الصبغه وهي بإذن الله مالها اي اضرار بالعكس تعتبر اشعه تشخيصيه
وعلاجيه في نفس الوقت وبالنسبه للألم اكيد فيه الم لكن بمجرد ماتنتهي الأشعه ينتهي الألم
والشهر اللي بعده اخذت كلوميد بس بدون ابره تفجير وبعده بثلاث شهور حصل الحمل ولله الحمد


الله يطمنك ويرزقك ماتتمنين..

اخواتى السلام عليكم و رحمت الله و بركاته انا كمان عندى تكيس والدكتور وصفلى السيدوفاج وقالى لازم اخس و فعلا حملت عليه و التكيس راح بس المشكله انى تخنت تانى و التكيس رجع تانى و نفسى اخس لان ده هو الحل علشان احمل بس مش قدره اعمل ايه قولولى

يعني اتوكل على الله واسويها وان شاء الله يكون فبها خيرلي واحمل بعدها بس اخواتي الدعاء لي ولكل واحدة بالذرية الصالحه وكل الشكر لكل من رد علي والله يجزاكم عني كل خير

اختي مزون3
انا زيك اخذت منشطات وبعدها ابر وما صار معي حمل
وبعدها طلبت مني الدكتورة عمل الاشعة بالصبغات
لانها تبين اذا في اي انسدادات في قناة فالوب زي ما قالت الاخت ام حمود2006
بس صح تسوي الالم ولكن الحمد لله مو قوية بالمررة
واتوكلي على الله وربي ماريدك خائبة
اللهم لا تذرني فردا وانت خير الوارثين

ربي يرزقك كل خير
و الذرية الصالحة و يهون عليك ..
طمنينا عليك

الله يسهللك امرك

عندي سؤال ؟؟؟؟؟

ماهي أشعة الصبغة ؟؟؟

هل هي نفس الأشعة اللي تقيس حجم البويضة ؟؟

وآسفة مزون اني طرحت سؤال بموضوعك

وأتمنى إني ما أكون خرجت عن الموضوع

وطمنينا عليكي

اللهم فرج همها وأعطها ماتتمنى

وكل المسلمات

اللهم آمين ،،، أحلى زوجين

شوفي اختي احلى زوجين..
اشعة الصبغه راح اشرحلك اللي سووه معي
تنامين على السرير الخاص بالأشعه وبعدين تجي الدكتوره معها زي الأبره فيها الصبغه وانبوب
يتم ادخاله من اسفل طبعا الى الان بدون الم ويتم حقن الصبغه وبدون اي حركه هنا يبدأ الألم
وهو زي الم الدوره (انا تألمت كثير لأني جواره ) وبعد حقن الصبغه يتم التصوير بالأشعه العاديه
وطبعا بدون اي حركه وبعد ماتخلص انتظر عدة دقائق وخلاص لما طلعت الدكتوره الأنبوب حسيت
بشي ينزل خفت وقلت للدكتوره قالت عادي هذا دم وجلست اصيح(ماقلتلكم جواره)وخلاص انتهت
الأشعه وانتهى الألم ولله الحمد ..
وتعتبر الشعه هذي تشخيصيه وعلاجيه في نفس الوقت اذا كان فيه انسداد بالأنابيب ...

عارفه كلامي كثير بس عشان افهمك
الله لايحوجك لها وكل المسلمات..