10000000000 مبروك حمدالله على السلامه

الف مبرووووووووووووووووووووووووووك
والله فرحت لك الله يجعله من مواليد السعادة يارب
وعقبالي
جزاك الله خير على الدعوة والله يبارك لك في طفلك

مبروووووووك أم عبوووودي

الله يجعله ولد صالح إن شاء الله ويقر عينك فيه

الله يعطيكم العافيه على المرور
والدعوات الحلوه

وتفاصيل الولاده بحلوها وبمرها كالاتي
ان شالله تستفيدون من اغلاطي
والله يسهل على الجميع

أما عن تفاصيل الولاده
صنفتها الدكتوره انها ولاده عسره
وتفاصيل كل اتي
أول شي كان عندي موعد كل عاده كل اسبوع كنت متردده اروح كنت باجل لليوم الثاني .لان زوجي تو جاي من الدوام الصباح وكان تعبان ونا كان فيني نوم والم بسيط عادي..قلت له الموعد باجله قال انا تعبان اذا بتروحين خلي ابوي يوديك
قلت اوكيه
قلت له اوكيه بس انتبه لتلفون لسمح الله ولاده ولا شي اكلمك ..قال تو الناس
قلت ان شالله مرجع البيت إلا مع عبودي..قلت له ادعي لي بسهاله قال امين
فعلن جا عمي ورحت الموعد ودخلت للدكتوره وكنت منحرجه مررره لان اول كشفيه تكشفها علي
قالت ضغطك مرتفع ليه؟؟؟؟؟قلت خايفه\
وبعدين كشفت علي وقالت الرحم مفتوح والحين خليك بوضعيه معينه ومادري شسوت الظاهر فتحت الهادي على قولت خالتي((مع العلم ماعندي فكره عن الهادي الين الحين))والله تالمت الم فضيع لدرجة قلت لها هاذا الحين مو الم ولاده وكذا ؟؟؟قالت هاذي اصعب كشفيه الباقي يهون
قالت زوجك ناديه يخلص اجراءات الولاده
قلت مو هنا بكلمه يجي ..قالت مو مشكله عمك يقدر يدخلك
قلت لها مستحيل اولد وزوجي مو عندي
المهم قلت بكلمه اول مايجي بجيك قالت اوكيه...
قالت الحين احتمال ينزل منك دم ومخاط
قلت اوكيه
ونا في انتظار النساء وكلم زوجي حرقت الجوال وتلفون البيت وللاسف زوجي نومه ثقيل لو انفجار ما قام بعد عناء طويل رد حوالي ساعه من حرقت التلفون
ولقهر كان ماعندي رصيد(((ياحوامل خلو رصيدكم متعبي لا تتوهقون))
جا وجات السستر ورحنا غرفة التنويم حطيت اغراضي لبست البس اللي جابوه وبصراحه ماعرفت البسه لبسته مقلوب ورجعت عدلته بعد ماقلولي انه غلط وكنت خايفه ومتكله على الله
دخلت غرفة الولاده
شفتها سرير عادي خذو عباتي انبطحت على السرير ركبو دقات القلب والطلق وحطولي مغذي
كان تغريبا الساعه 12ونص وماشي الوضع عادي بدون الم الم خفيف عادي
كنت اسولف مع الممرضات ودردش معاهم بس وقتها خفت ماشفت دكتورتي وضحولي اذا قربت الولاده تجي..لان خفت دكتوره ثانيه تولدني..كنت اذكر نصايح المنتدى اتذكر وصاياه خاصه بطريقة التنفس والدعاء وقراءة القران
فقلت للممرضه وين الكمام الاسود؟؟؟(((ادور كمام اسود ماشفت))قالت هذا هو اذا تعبتي عطيتك قلت اوكيه
قلت لها عطيني القران وقريت سورة مريم وقريتها بس ماكملتها قبل الصفحه ونص من النهايه بديت احس بطلق
فقلت لها مسكي القران ماقدر .<<<<خفت يطيح مني
خذته قلت لها عطيني الكمام عطتنياه وقالت تنفسي منه من الانف والفم بنفس الوقت
قالت تبين زوجك يدخل عليك قلت لها ايه ناديه
وفعلن جا بعد وقت طويل وحس تعبت شوي زياده
جا قام يقرا علي حسيت رجلي تالمني قمت اقوله بدون حاسيه(( همزني همز رجولي))| كنت احس بالم بعضامة رجلي
بس اللي قهرني ان كل مسألهم كم صار فتحت الرحم يقلون 4 ويمر ساعتين وهم يقلون 4 احس كنت احس بالحباط وان الوقت يمر بطئ
وكنت اقولهم احس بالم فضيع تعبت يقلون ماشفتي شي لسه..احس يقهروني ولا يهونون علي
المهم قلت فرصه ادعي ودعي
دعيت ان الله يوفقنا وان زوجي يحبني وان يوفق خواني ......الخ
ودعيت على ناس كانو ظالميني ان الله ينتقم منهم.
ودعيت ان الله يهون على حوامل المنتدى وتذكرت الورده الصفراء ودعيت لها بذريه الصالحه لها ولكل اللي يتمنى
حسيت من الكمام انه خيال وتعبت بزياده قلت لزوجي اطلع خلاص لان احس تعبت ومابي يشوفني ونا اولد
زاد الم الين حسيت خلاص على الاخر فقمت اصرخ بدون حاسيه نادو الدكتوره..بموت...
والم فضيع شوي رفعو السرير اللي كان عادي صار خاص للولاده ورفعو رجولي ونا اصرخ ((دكتوره دكتوره...بموووت))
جات الدكتوره والالم ورا بعض مجرد مراح شوي قلت لها دكتوره قالت نعم؟؟قلت لها ((أحبك))<<حسيت اني ماعندي سالفه وقلتها بدون شعور بس أشوا قلت احبك احسن من شي ثاني
كانو معاها دكتوره ثانيه مساعده..ونا اتألم اصرخ ..ودكتوره الثانيه تصرخ علي تقولي ((ماتزعقيش))قمت أصرخ عليهاأرد((غصب عني ))
وشوي تقولي الدكتوره دفعي يا فلانه بس وقتها كان أنهدت طاقتي وحسيت ماعندي أي طاقه بس حاولت ادفع فقامو يصرخون علي ان دفعي غلط اسمعهم يقلون((انتي كذا ترفعينه فوق دفعي على تحت ))
بعدين جات الدكتوره قالت ((فلانه لا تدفعين إلين ماتحسين بدفعه))فعلن حسيت بدفعه وقمت اتعصر بس غلط للاسف
تعبت الدكتوره شوي وزاد ضغطي وصل تحت 140 قالت ضغطك زاد ورحمك تورم ونتفخ وبنسوي قيصريه
حسيت فقدت الامل بعد هالتعب كله واخرتها قيصريه
إلا الدكتوره قالت نعطيها فرصه شوي قالت بنشفط البيبي ودفعي وقت منقولك لان زاد ضغطك
وفعلن أتذكر شفت عند وحده منهم ماسكه زي سكين حاد وشوي أحس انهم جرحوني قمت اصرخ بقوه وشوي طلعو البيبي اتذكر قالبينه ولونه مايل للازرق الغامق احسه تعبان غمضت عيني وحسيت ان أبي الكمام شوي يريحني قلت دكتوره ابي الكمام وخذته وسبحان الله بعدها هدا الالام بس تعب موجود
وحسيت انها تخيط الجراحه..وكانت وضعيتي غلط اسمع الدكتوره تقول مو كذا رفعي رجولك بعدين يجيك نزيف ..شوي وشافت ان الضغط ارتفع قالت ببنجك كامل وعملك خياطه او تساعديني؟؟
قلت لها لا بنجيني تعبانه
شوي اسمع صراخ البيبي عورني قلبي عليه شوي وجابوه لي وبسته وبعدها مافتكر شي إلا بغرفة التنويم

معانات بعد العمليه
الضغط لسه مرتفع
الجراحه أتالم ومع التبول تحرق وتالم الم فضيع ينزل دم خيالي
جابولي مطهر غسول اتنقع فيه بماي دافي
الم براس وصداع

جابو اليوم الثاني البيبي يجنن ربي يخليه وحفظه لي بس مسكين حسيت انه تعبان لان بشفط كسر خاطري
حاولت ارضعه طبيعي مايعرف حياتي حاولت مره ومرتين بس مافيه فايده

جيت البيت والحمدلله على كل حال
بس اهملت الجراحه ماسمعت نصايح الدكتوره قالت لي جلسي على شي متسطح ولا تتربعين او تحطين رجل على رجل .قالت جلسي جلسه صحيحه عشان الجراحه ما تتمزق
وللاسف جتني كحه وحس كل ما اكح احس ان الجراحه والخياطه اضغط عليها حتى لو ضحكت

بس للاسف ماسمعت كلامها كنت اتالم وجلس على جنبي وهذا غلط يوم كشفت علي بعد سبوع قالت الجراحه خيوطها تفتحت ؟؟وهمال؟؟وبدايه التهاب؟؟من جلساتك الغلط

بس الحمدلله على كل حال ....

الحين معناتي مع البيبي لان احسه تعبان من البرد اخذ برد وبطنه دايم يمغصه ومايعرف للرضاعه الطبيعيه
وعملنا له ختان وتعبناه لان الدكتور الله يهديه مافهمنا ونا اذكر القصه عشان تستفيدون
عملوله الختانه وجا الدكتور وتكلم بختصار قال ((بتشفون شاش لا حد يشيله انا اشيله بكره واذا تبول او برز غسلوه بماي دافي))
مجرد مارحنا البيت غيرنا له لان تبرز وكان حاط شاش كومه قلت لخالتي لا تلمسينه قال الدكتور وحرصنا ان مانلمسه هو بفكه بكره
وفعلن مع انه متوسخ خفنا نحركه وقلنا الدكتور أدرا بالليل تبرز مره ثانيه حسنا ان الوضع مو طبيعي وان كذا بيتلوث ندينا مرة خالي قلنا هي عندها خبره وتو والد خلنا نستشيرها
جات وشافت ولدي قالت انتو مجانين مفروض هذا الشاش اتشيلونه بس اللي على الجرح هواللي تخلونه وللاسف الشاش اللي حاطه كومه لصق مع الدم والجرح ومايصير نشيله لان يمكن نجرحه او ينزف او نشيل لحمته
فكان الحل ان نقعناه بماي دافي الين ماتطرا الشاش وطاح بس ماطاح كله كان الطرف متعلق بالجرح وكان يابس رحت قصت الشاش بالمقص وخلت شوي من الطرف
وراحت غرقته بزيت الزيتون عشان يطرا
وقالت لي لا تودينه بكره المستشفى لان بيطيرون قلبه لانهم دفشين بس نقعيه بماي دافي واذا حفظتيه غرقيه بزيت الزيتون الين مايطيح لحاله

والحمدلله اليوم الثاني نقعناه بماي الدافي ونفك

الحمدلله على كل حال عور قلبي

بس هاذي قصتي وطلت عليكم

تحياتي

مبروك ألف ألف مبروووك

استفدت كثير من تجربتك

والله يبارك لك بالمولود وجعله من البارين وبوسيلي النونو

ماشاء الله ربي يحفظه لكِ ،،
عموما لا تخافي و لا تفكري في الموضوع كثير ، هذه أول مرة لكن الحمد لله الآن عندك خبرة ..