نداء لكل من سبق لها الولاده بالرياض

**sweet bird** · 18-09-2006, 07:37 PM

السلام عليكم ورحمة الله وبركاته

اتمنى من اخواتي اللي جربوا مستشفيات بالرياض يعطونني معلومات عنها لانه انا بالتاسع ولحد الآن محتاره باي مستشفى راح اولد يعني اللي ولدت بأي مستشفى خاص او تعرف عنه معلومات مثل الاسعار الدكاتره المتميزين النظافه العنايه والغرف الحلوه يعني اللي تقدرون عليه وانا عن نفسي بس سمعت عن مستشفى الحمادي والتأمينات يقولون حلو ومستشفى المملكه بعد لكن مااعرف شي عنهم او دكاترتهم ولا عن اسعارهم فياريت اللي يعرف يفيدني والله يسهل للجميع

**sweet bird** · 18-09-2006, 11:31 PM

وينكم يابنات ماافي اي احد عنده ولو معلومه صغيره ممكن تفيد

*** أمواج البحر *** · 19-09-2006, 08:31 AM

وانا والله اختي مثلك متوهقه مادري وين اروح لكن انا اللي عرفته ان مستشفى التأمينات

مره رووعه وحده قالتلي عن تجربه انه نظافه وعنايه والولاده الطبيعي عندهم بـ3500 ريال,,

اختي اتمنى اكون افدتك وياليت اذا قمتي بالسلامه تقوليلي وين ولدتي لان باقي على ولادتي كم شهر,,

وابي اعرف,,

الله يقومك بالسلامه يارب,,

تحياتيـ,,

**sweet bird** · 20-09-2006, 06:21 PM

مرحبا اخت امواج البحر
ويعطيكي العافيه عالرد عموما بظل اسأل واذا لقيت معلومه بخبرك واذا ولدت ان شالله بقوللك عن المستشفى اللي ولدت فيه

**strawberry-22** · 21-09-2006, 03:27 AM

السلام عليكم ورحمة الله وبركاته
أرجو الإفاده من هذا الموضوع ...
وهل هناك أسم مستشفى أخر احسن في الرياض لأن وحده سألتني عنه .......
وشكرا

**اهلااهلا** · 21-09-2006, 12:02 PM

والله انا جربت التامينات سعر الولادة مثل ما قالت الاخت

بس صاير زحمة مثل الحكومي

*** أمواج البحر *** · 21-09-2006, 12:14 PM

طيب اختي اهلا اهلا كيف كانت تجربتك في مستشفى الـتامينات يعني ارتحتي عندهم ولا لا؟

تحياتيـ,,

**ام شاهى** · 21-09-2006, 02:47 PM

السلام عليكم ور حمه الله وبركاته
اختى الغاليه السائله... والله انا جربت الولادة فى مستشفى دار الشفا بالخزان.. والله صراحه كانت مستشفى نظيفه جدا...والعنايه كانت جيدة جدا ..وسعرها كان حوالى 2000ريال فقط...والله يقومك بالسلامه...

**هذا انا** · 22-09-2006, 11:16 AM

اهلين اختي انا ولدت بالتامينات حلو الممرضات لطيفات ويساعدونك وقت
الولاده بس المستشفى يبيله شوي صيانه من جديد
دله انا شخصيا مااحبه ولا يقولون ان عنده دكتورات ممتازات مثل "ممتازه"
مستشفى المشاري لا اعرف شيئا عنده
مستشفى المواساه مع ان فيه ناس يسمونه المأساه مرت خالي ولدت فيه تمدحه تقول حلوه انا احس انه تجاري يعني بي يبون فلوس ؟!
الباااااااااااقي لااعرف عنهم الا اسماءهم

اتمنى اكون افدتك

**sweet bird** · 23-09-2006, 02:08 AM

انا سألت عن التأمينات قالتلي وحده قريبتي انهم نصابين راحت بتولد عندهم وهي بأول التاسع وقالولها لازم عمليه لانها ولاده مبكره وتركتهم وراحت مستشفى ثاني حكومي وعلى طول ولدت طبيعي وولدها ماشالله مافيه الا العافيه يعني ودهم يسوون عمليات باي طريقه !!!

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: نداء لكل من سبق لها الولاده بالرياض

أدوات الموضوع

العرض