أخواتي أنا في الشهر الثامن و جسمي يتنفخ كتير خاصة اليدين و القدمين، الحمدلله ما عندي زلال و بشرب ماء كتير لكن الانتفاخ كل يوم عن يوم بيزيد.

بالليل برفع رجلي و بنام.. و الصبح بيكون الانتفاح تحسن.. لكن برجع بتنفخ مثل البالون..

و من يومين صاروا رجلي فيهم ألم خاصة في المنطقة الجانبية بين المشط و الكعب.. أحس كإنها بالون ماء و مؤلم جداً..

أعرف انو هاي المشكلة عند كل الحوامل... لكن اذا في وحدة عندها تجربة خاصة بهذا الموضوع و كيف ممكن تخبرني...

ملاحظة: الاسبوع الماضي كنت على وشك أمرض فأخذت 4 أقراص فيتامين c فوار.. ثاني يوم ما تنفخت كتير كالعادة...هل ممكن يكون من فيتامين c ؟

و شكراً مسبقاً

أنا للان الحمد لله ما صار عندي انتفاخ إلا بشكل طفيف... بسبب طبيعة عملي... الجلوس 8 ساعات أو أكثر في اليوم.. وبس أرجع البيت وأرفع أقدامي بيرجع الوضع عادي بعد فترة..

بس ياللي بعرفه إن الإكثار من تناول الأملاح يزيد من انتفاخات الجسم.. فعشان يقل الانتفاخ لازم التقليل من الأملاح وشرب الماء بكثرة..

والله يكون في عونك ويقومك بالسلامة يا رب..

وإن شاء الله بنسمع الردود من الأخوات ياللي مروا بنفس الحالة...

أختك رنا...

شوفي حبيبتى انا عندي نفس الحالة بس لقيتيلها حل خفف التنفيخ كثير
في مكمل غذائي اسمه سوستاجين هادا كثير ممتاز وصفتلي اياه الدكتورة وعموما التنفيخ بييجي نتيجة نقص في البروتين وزيادة في الاملاح

فبتاخدي من السوستاجين مرتين باليوم (مرة الصبح ومرة بالليل) وانشاء اللة راح تشوفي تحسن كثير

انا بديت آخد منه من الشهر السادس لانه التنفيخ بدا معاي من الشهر السادس

وعلى فكرة طعمه كثير طيب وفي منه على شوكولا او فانيلا وما بتخن لانه منزوع الدسم كمان

وبالسلامة حبيبتى وطمنينا عنك

مشكورة يا رنا بس أنا كمان طبيعة عملي جالسة 6 ساعات و مع هيك الانتفاخ كتير و مؤلم و الله اجاني اكتئاب منه.

سندريلا شكراً على ردك.. بس هدا المكمل موجود بالصيدلية؟

طيب أنا خايفة من تسمم الحمل لأنو أعراضه التنفيخ مو؟ طمنوني

أعتقد من الأحسن تروحي تسألي الدكتورة إذا كان الانتفاخ كبير وفي ألم.. وهي أكيد راح تعطيكي الحل ياللي راح يريح بالك ويطمنك..

والله يكون في عونك..