السلام عليكم ورحمة الله وبركاته أخواتي الغاليات
أريد أن أطرح عليكم سؤال بخصوص الرضاعة وتعلق الطفل بالأم
أنا أم لبنوتة هتكمل سنتين إنشاء الله في شهر ستة إللي جاي
شاءت الظروف إني مرضعش بنتي إلا ثلاثة شهور فقط..
الحمدلله كان عندي لبن كتير أوي بس
مش عارفة ده كان جهل مني وقلة خبرة بحكم صغر سني
وعدم صبري عليها علشان تكمل رضعتها
ولا عيب فيا
المهم مش عايزة أطول عليكو..
سؤالي هنا..
هل الرضاعة الطبيعية هيا إللي بتخلي الأولاد مرتبطين بأمهاتهم؟؟؟
عايزة أعرف علشان كتير بيقولولي أنها كده مش هتتطلع بتحبني وتعلقة بيا
أنا الحمدلله مهتمة بيها وشايفة طلابتها.. بس أنا كنت السبب في إنها مش عندها مناعة
وكتيير باباها بيحملني المسئولية علشان مرضعتهاش
أتمنى إنكو تكوني فهمتو القصد من سؤالي
في أنتظار ردودكم أخواتي لأني محتاجة أخذ خبرة في هذا الموضوع علشان ربنا هيكرمني ببنوتة تانية كمان شهرين
في طلب كمان معلش هتعبكو معايا
مدة الرضاعة قد إيه علشان يكون البيبي شبعان؟؟؟
وإنصحوني إزاي أقدر أخليها ترضع المدة الطبيعية للرضاعة..
إدعولي وردو بلييييييييز
جزاكم الله كل خير مقدما أخواتي العزيزات
الروابط المفضلة