السلام عليكم
انا لسا من جديد شاركت بالمنتدى , الحقيقه انا كنت من متابعين هذا المنتدى من زمان , اراقب المواضيع بس ما اعرف ليه ما عمري خطرلي انو اشترك واصير أتفاعل مع الاعضاء!
انا من الاشخاص اللي دايما استفسر على(google) بأي شي يصير معاي , انا رح يصرلي سنه متزوجه والحمدلله و ببداية زواجي وكأي ست متزوجه صارت يجيني قلق الحمل , وكل مره تتاخر الدوره يوم اشعر انو حمل ... ودايما اكتب على google تأخر الحمل واعراض الحمل وايمته هو الوقت الطبيعي للحمل وطبعا الاقي اراء متنوعه في هذا المجال . مع اني لسا صغيره في العمر ولكن هذا اللي صار معاي ! تفكير زائد
سبب كتابتي هذا الموضوع هو حتى اطمن غيري واقولهم انو كل شي بالهدنيا لخير .. لا تفقدي الأمل ابدا .. ولا تقلقي لو ما حملتي بعد شهرين وصارت العائله تبدا بالاستفسار وعن عدم حصول الحمل بسرعه .. لا تسمعي ل كلام الناس ابدا لانو هو صراحه يأثر نفسيا على المرأه ...
انا ببداية زواجي لما كان صرلي 4 شهور مو حامل كنت اسال ليه اتاخرت! بس هو ما كان تاخير ولا شي .. هو بالفعل حسب الاجسام
انا الحمدلله بعد 9 شهور من زواجي حملت .. وانا الان بالشهر الخامس بفضل الله , وقبل ما احمل ولا مره رحت عملت فحوص حتى اتاكد اني سليمه ما كان بدي اشغل حالي كتير بقصة الحمل واوهم نفسي اني متأخره بالحمل ... اذا اكتر من سنه ما حملتي ممكن تروحي تتاكدي واكيد مو شرط تكوني متأخره
خلي املك بالله كبييير ودايما ادعي ربنا ( اللهم لا تذرني فردا وانت خير الوارثين)
واستغفري كثيير.. وخلي ثقتك بالله كبيره
كتبت هاد الموضوع لاني مريت باحساس الوحده باول زواجها ,, وبتخيل لو قرات هل كلام اللي كتبتو كان رح يساعدني كتير
تحياتي
هبه
الروابط المفضلة