تزوجت من سنة ونصف بالضبط

ما صار حمل

كنت كل مرة امني نفسي اني اصير ام

هذا الشهر تاخرت الدورة مدة 9 ايام

اول مرة تصير وياي لانها عادة مضبوطة

شكيت اني حامل بس ما سويت فحص لان صديقاتي قايلين لي لا تسوين فحص قبل 10 ايام من تاخيرها

وما لحقت

الدورة الشهرية شرفت

وايد تضايقت كنت اتمنى اصير ام

زوجي قال لي ان هذا تمهيد للرحم اني احمل الشهر الجاي باذن الله
هل كلام زوجي صحيح؟؟؟؟؟
بلييييييييييييييييز ردوا علي

السلام عليكم ورحمة الله
كيفك أختي
أنا مثلك ؟؟
حملت قبل 2 شهر ونصف من بعد سنه ونصف زواج ولم يتم الحمل واسلبت في شهري الثالث

الحمد لله على كل حال
وكل شهر انتظر الدوره ولما تشرف احزن
بس زوجي يقول لاحقين على العيال خلينا ننبسط ويا بعض لما نبي نطلع للبحر
مانشيل هم شي ناخده ويانا ونسافر كل مكان نبي
ولاحقين على مصاريف العيال والحمل والوضع

والحمد لله احس انو زوجي يحب ينسيني وكل شهر نفهم بعض اكثر
والحمد لله على كل حال

والله يرزقنا سوااااااااااااااااااااااااااااااااااااا وبنفس الشهر

أم حتوم المنتظر

لا حول ولا قوة الا بالله

الله يرزقج ويرزقني اختي

انا وايد تعبانة نفسيا

معقوة 21 قراءة ورد واحد بس

عالاقل قولولي الله يخلف عليج

صراحة زعلتوني

لا تقلقي يا أختي فباذن الله ستحملين قريبا،قل لن يصيبنا الا ما كتب الله لنا

رب برزقك كل خير أخية ...
و الذرية الصالحة البارة إن شاء الله

هلا زهورة
حبيبي لا تزعلي عااااااااااااااااااااااااااااادي جدا والله
اذا في مشاكل طبية لا تتركي العلاج ..
انا تاخرت 6 سنوات والحين على وشك ولادة والحمدلله وان شاء الله ربي يكتب لك عن قريب بس انت انسي الحمل وراح تحملي ان شاء الله وخذي ابوالشباب وروحي الحرم وصلوا وتعشوا وهيصي خلي ايامك وردية وان شاء الله ماتدرين الا وانتي حامل والله سبحانه كريم وحكيم وعارف متى اصلح موعد تحملين فيه فاتركيها على الله

ترى كلام زوجك فيه شيء من الصحة
أنا حامل و هذا ثاني حمل لي و في كل مرة قبل الحمل بشهر تتأخر علي الدورة يومين و أعتقد اني حامل و بعدين اتفاجا فيها ،الشهر اللي وراه احمل على طول و صديقتي يصير معاها ايضا نفس الشي بالضبط و سمعت انه الرحم يمهد لنفسه عشان يستقبل الجنين نفس ما قال زوجك
و ان شاء الله الشهر الجاي تبشرينا

عزيزتي...هوني عليك...

فعلا إطلعي انت و زوجك و انبسطو وما لك إلا الدعاء و الإيمان بقضاء الله و قدره....

عسى أن تكرهوا شيئا و هو خير لكم

مشكورين يا بنات

اختي مشتاقة للامان الله يهدي بالج ويطمنج مثل ما طمنتيني يا الغالية