السلام عليكم و رحمة الله و بركاته
انا هحكيلكم قصتي لعل واحدة تكون حالتها مثلي و تستفيد
انا متزوجة من سنة و 4 شهور و حملت الحمد لله بعد 3 شهور من جوازي و كانت كل حاجة تمام في تحاليلي الاولية للحمل اللي كل الناس بتعملها دي
و بعدين فى نص الشهر التاني الدكتورة قالتلي ان السونار مبين ان مفيش نبض للجنين و ان نمو الحمل توقف بس و البيبي نزل
المهم سألنا ايه السبب و قالتلنا الكلمة المشهورة اللي سمعتها من ناس كتير حالتهم مثلي " دي حاجة طبيعية بتحصل ل20% من البنات في الحمل الاول و مفيش حاجة و ان شاء الله تحملي على طول الشهر الجاي " و لا قالتلنا نعمل اي تحاليل ولا يحزنون و سألنا اكتر من واحدة قالت نفس الكلام قلنا خلاص ان شاء الله ربنا يعوض علينا
دلوقتي بقالي سنة ولسة محملتش و ربنا قدر اني اعمل تحاليل للهرمونات و لقيت ان نسبة هرمون البروجيستيرون قليلة جداااااااااااااااااااا وممكن يكون هوا دا سبب السقط اللي فات وان شاء الله من اول الشهر دا هاخد علاج كدة ادعولييييييييي ان شاء الله ربنا يرزقنا الحمل قريبا
انا بحكيلكو الكلام دا عشان لو واحدة حالتها مثلي و الدكتورة قالت لها نفس الكلام بالذات في مصر في القاهرة دكاترة المنيل تروح فورااااااااا تحلل بروجيستيرون اليوم21 من بداية الدورة و تطمن لأن هو المسؤل عن تثبيت الحمل في ال3 شهور الاولى من الحمل
و انا رأي كمان ان أي واحدة في بداية الحمل تحللو مع بقيت التحاليل عشان الوقاية خير من العلاج مش لازم تستنى لما ينزل عليها دم و لا تسقط
معلش طولت عليكو اووووووووووي بس لتعم الفائدة
يلا سلامو عليكم
الروابط المفضلة