سلام كيفكم؟
نونة..فعلا لما يكون براز قديم بالامعاء بتخمر و بعمل غازات....الله يحفظلك اياه هو و اخوانو و يضل دايما رايق..ما أحلاهم و هم مبسوطين
و فعلا الحليب الطبيعي غير شكل سبحان الله صنعة رب العالمين..خلي الصناعي لبعدين
و بالنسبة لوضعك انتي و زوجك..أصلا بعدها الهرمونات بجسمك غير مستقرة و بتعمل اكتئاب و هدا سبب كافي يخليكي معصبة و مو طايقة حالك
انتي خليكي دايما تستغفري و خلي ذكر ربنا على لسانك و تفهمي وضع زوجك يمكن في شيء زاعجو
و كمان انا لو منك بترك اولادي عند ماما و بروح مع زوجي لحالنا بالعكس هو حاب تطلعوا لحالكم تتقربوا من بعض
انا زيك بعد الولادة صرت عصبية و ضلينا انا و زوجي نتطاوش فترة بعدين ماما فهمتو لنو الوحدة بعد الولادة بتكون مش طايقة حالها و عليها مسؤولية مضاعفة و نعبانة بعدين تفهم الحمدلله
بعيدن أنا حكيت معو بصراحة و تعاتبنا و خلص قلوبنا صفيت و أنا بنصحك بالصراحة و اقعدي معو و احكو من القلب للقلب و ان شاءالله بتكوني رضيانة و أزمة و حتزول

نسرين...مبارح قويت قلبي و خليتو يبكي 5 او 6 دقايق و بعدين نام بس شو بعدها حسيت حالي ام شريرة..هو لو بحطلو لهايتو ما ببكي خلص و بنام عليها بس انا ما بدي أعودو دايما ينام عليها
و بالنسبة للفيتامين ماما بتحكي لازم على جنب التم عشان ما يشرق و أنا أعطيتو عند الدكتور جرعة فيتامين د بتكفيه ل 6 شهور الحمدلله و مع بداية الشهر التالت لازم نعطيه ملتي فيتامين
و لسا ما بعطيه أعشاب لحد الأن ما احتجتها الحمدلله
بس مبارح جنني بالليل بدوا يضل صاحي و من الصبح كمان صحي مش عارفة بحس بالنهار نومتهأعمق من الليل...
و بالنسبة للصيام لسا ما بصوم مع انو الدم وقف زماااان بس كل فترة و فترة بنزا افرازات لزنها بني فاتح ماما بتحكيلي ما في طهارة قبل الشهر تقريبا من الولادة حتى لو الدم وقف

أم حزم..كيفك وحشتينا
الله يعينك اولاد و بيبي و بيت بس ابقي طمنينا عنك و عن يوسف و حبيبة و حنين

هلا انوس كيف حالك بالنسبة للدم والله انا لحد الان احيانا بينزل قطرات والي قريته من النت انه من الرضاعة بينزل مرة مرة دم ياريت تساليلي الوالدة بالك تفيديني بس بحكم اني كملت الاربعين فمعناها دم استحاضة والحمد لله لحد الان صايمة بس المدة هادي حسيت بتعب اكتر من الايام الاولى وبحس ان الحليب مرة هلبة ومرة شوية ومش عارفة هل هدا عادي ام لا والحمد لله انحس في همام بيشبع يعني مش جعان بعد الرضاعة فقلت خلي استمر احسن ياريت تساليلي الوالدة بهالموضوع

ماشالله ادم لذيذ الله يحميه ويسلمو شعره بيشبه شعر ابراهيم هههههه
نونة انا كمان عصبية كتيييييير وجوزي ما بقدر يعني نفس الحكي يلي قلتيه كل محادثة بخناقة ......
نانا نصايحك حلوة ماشالله عليك صرتي ام عن حق وحقيق الله يزيدك من علمو
بالنسبة للدم لا تاخافي استحاضة وعادي بعد النفاس
انا كمان متل انجل الدم قلييييييل اصلا ما شفت دم كتير كان بالاول متل الدورة وبعد اسبوع تمشيح بس
يا ريت اطهر وصوم بقا بس لسا في شي بسيط
ام حزم حبيبتي الله يخليلك ولادك وجوزك ويعينك يارب

حفودة كيف حالك وحال داود وبرهوم ان شاء الله كلكم بخير وكيف حال سلفتك والبيبي ان شاء الله بخير
ياحفودة لقيت حالي بالامر الواقف فضروري اتعلم واكسب خبرة وان شاء الله خير بالنسبة للدم حتى اني من الاول زي الدورة واخف وكل مرة قطرة او اتنين لحين الان بس الدكتورة قالتلي مش مشكل احسن من النزف والحمد لله مرت على خير

حق قوليلي امبارح درت قطايف وجت تجننننننننن بس فضل مني هلبة من غيرحشو كيف اخزنه انا حطيتهم في اكياس وحطيتهم بالتلاجة ان شاء الله ماكونوش فسدو وقوليلي هل نقدر نشويها في الفرن وكيف الطرقة
اني الطريقة الي فيها سميد
ارجو النصيييييييييييييحة

نونه حبيبتي كما قالو لك انجل ونانا كنتي تركتي الاولاد عند ممتك او اخت زوجك اي حد ثقه وغيرتي جو معاه تعرفي انا لما كنت اذهب مع يوسف عند الطبيب واترك بناتي مع زوجت اخي كنت حاسه نفسي لسه عروسه ومعايا اول بيبي والحمد لله بفضل الله تقربت من زوجي كتير لاني بفترة الحمل كان عندي اكتئاب وما كنت بطيقه مش عارفه ليه سبحان الله والان انا اللي دايما لزقه فيه وادلعه هههههه المهم تقربي انتي معلش ودلعيه وما تروحي عند مامتك وتباتي انا مامتي جنبي ساكنه وما ببات عندها ابدا الله يهديلكم الحال يارب ويخليك انتي وزوجك لبعض يارب ويبارك لك في اولادك ويهديهم يارب
نانا انتي ام عسوله والله ماشاء الله اللهم بارك ربنا يبارك لك في همام وابوه
انا ايضا يوسف سعات بياخد السكاته واوقات كتير بيطردها بلسانه وكتير وهو بيرضع فيها بتوقع منه هههههههه
انجل تعرفي كنت باخد شاور ويوسف صحي من النوم وكان بيعيط قلت خلاص بخلص بسرعه واطلعله خرجت لقيت حبيبه شيلاه اتصدمت وهي لما شافتني كانت هترميه عالسرير قلتلها لا مترمهوش متخفيش والحمد لله ربنا سترها ومتمزقش الحمد لله خوفتها انها تشيله تاني وربنا يسترها عليه يارب
حفوده ابرهيم عامل ايه ربنا يخلهولك ويباركلك فيه وحشتيني

هههههههههههههه الله الله ياعروسة انت ربي يحفظك انت وزوجك يارب والله انت الي عسولة الله يهنيك ويسعدك يارب انت والحبوبات والعريس وزوجك
هو الواحد يبيها شزية دلع وغنج ياعييييييني
والله ضحكتيني لما قلتي لحبيبية ماترميش يوسف ههههههه اتخيلت الموقف ديري بالك الحمد لله الي كان على السري ومكانش على مكان تاني لا رماته على الدرج ولا مكان خطير ربي يحفظهم لبعض يارب

نسرين احشي القطليف جوز مع شوية قرفة و سكر أو معجون التمر و تاني مرة خزنيهم بالفريزر بعد ما تحشيهم مش التلاجة بضلوا عندك 6 شعور و ما بصيرلهم شي ..بس بتطلعيهم و بتقليهم او تشويهم
بتقدري تشويهم بالفرن..بتدهنيهم شوية زبدو أز زيت و بالفرن 10 دقايق او ربع شاعة لحد ما يتحمروا شوي بس ما بطاعوا محمرين زي القلي و بعدين بتحطيهم بالقطر او الشيرة و صحة و هنا

ام حزم يا عيني عالعروسة..هو فعلا الرجل محتاج تدليع شوي خوصا انو بحس حالو صار بالمرتبة الأخيرة بعد الأولاد..خخخخ
زوجي كان مفكر انو يدلعني انو يجيبلي أشياء كبدة و جاج و بيض و حمام و يغذيني كوبس بعد الولادة,,خخخ حكيتلو انا لا مش محتاجة أغراض انا محتاجتك انت...
و كويس انو حبيبة ما رمتش يوسف...انا بالعكس بترك سلمى جنب أخوها و بحكيلها راقبيه و انتي أختو و احكيلو يا ادم خلييك مؤدب و لا تستفرغ و هيك و بحسها مبسوطة..بس طبعا حتى لو بغيب دقيقة مش أكتر ما بتعرفي الصغار شو بخطر على بالهم
حفيدة....انتي حاولي اهدي شوي مع انو الهرمونات بعدها مش مستقرة بأجسامنا...
احكي مع زوجك و فهميه انتي بايش بتمري و المسؤوليات اللي صارت عليكي و حاولي تشاركيه شوي بمسؤزليات الولاد و خليه يجرب يساعدك شوي فيهم رح يحس قديش لنتي بتتعبي
نسرين..سألت ماما بتسألني يعني انتي نضفتي تماما بعد الاربعين؟ و ايمتى نزل عليكي دم؟
فيه احتمالين:
اذا نضفتي فترة و رجع نزل عليكي دم بعد لااربعين فترة معينة يعتبر دورة و مع الرضاعة ما بتنزل عليكي دورة عادية لا مجرد نقاط.. و هاي دورة لا تصلي و لا تصومي لحد ما تخلص
اذا ضل ينزل عليكي دم حتى لو قطرات و ما نضفتي يعني الرحم لسا ما نضف و لازم تراجعي طبيبتك... و هاي تعتبر استحاضة مش حيض
بتحكي ماما الرضاعة ما بتنزل دم
و لما خلصت انا اربعيني نزل علي بس بقعة دم يومين يمكن بوقتها ماما حكتلي دورة و الها احكام الدورة..بس خلص بعدها ابدا م نول علي دم لحد ما سلمى كملت السنة

انوس اني فهمي على قدي في هاالامور شوفي اني خلال الاربعين يوم الدم خفييييييييييف الا في يوم نزل علي سلالالالابين مختلفة الشكل و اللون وبعدين خلاص صار نقط خفيفو وفي اخر اسبوع من الاربعين صارت مرة نقطة ومرة لا لحين الاربعين يوم 39 و 40 مافيش دم الا بقع بنية زي اخر الدورة وبعدين اغتسلت وتاني يوم 41 لقيت بقعة ومش دايمة يعني في اليوم مرة او اتنين وهكدا لحد امس وفي الحقيقة اني مش مريحة حالي وهدا بسبب الضروف الي بمر بيها الحمد لله والشكر له
اشكريلي الوالدة جعله الله في موازين حسناتها

نسرين اتوقع الدم اللي نزل عليكي بد الارعين دورة بس مش المفروض يضل ينزا عليكي دم حتى لو متقطع و بسيط,,,أحكيلك اتصلي مع طبيبتك و اسأليها احسن شي