صباح الخير
نونة....ولادك صاحيين قبل الشحاتة و بنتها..خخخ الله يحفظهم
نانا..بخصوص الحزام أنا بعد ولادة سلمى جبت الحزام القطن الخفيييف جدا و استعملتو أكم يوم بس من الحر و مع الرضاعة كنت أحس بالحر كتير و كل جسمي يعرق ما قدرت استخدمو كنت احسو بكبس على روحي مع انو خفيف...و سبحان الله مع الرضاعة الطبيعية سنة و رجعت بطني لحالها بس انا ما عملت رياضة ابدا..مع الرياضة خلال 3 شهور بترجع بطنك لحالها و خصوصا رياضة شد البطن....
ام حزم...ان شاءالله بترفع المشيمة بس انتي ارتاحي و كمان اطيلي السجود و لا تشيلي ثقل و ربنا معاكي
ميمي..طمنينا عنك
يا بنات انا كل يوم بالليل بصير عندي مغص خفيف و ألم ظهر من تحت..مش عارفة بس خايفة و انا لسا ما خلصت شرا التجهيزات كل يوم بأجل و هكذا....
موعدي عندي دكتورتي بعد 10 ايام ان شاءالله
حضرت فيديوهات كتير عايوتيوب عن تحضير شنتة الولادة و كتبت التالي على ورقة:
1. مرطب شفايف لإنو الشفايف بتنشف
2. جوارب خفيفة قطنية لإنو معروف ن الطلق بعمل شعور بالبرد و خصوصا عند لاأرجل
3. علكة أو هولز على نعنع...
5. كاميرا و شاحنها
5. شاحن الموبايل
6. شبشب خفيف عشان لو تمشيتي شوي بالمستشفى
8. لوازم العناية الشخصية زي المشط و بكلات الشعر و كريم مرطب و كريم للأيدي و الذي منو
9. لبس الخروج
9. بيجاما مفتوحة من الصدر مع روب طويل و شال لو دخل عليكي دكتور أو حدا أو قميص نوم قطني مفتوح الصدرحسب ما تحبي
10. حمالات رضاعة عدد 2
11. ملابس داخلية قطنية
طبعا المستشفى اللي حروح عليها ان شاءالله بتوفر بعض مستلزمات العناية الشخصية و داخليات لأستخدام مرة واحدة و الفوظ الصحية فما رح أخدهم
الروابط المفضلة