مرحب أخوات ،،،
من فترة حطيت موضوع و سألت فيه على طريقة عمل زبدية الجمبري
لكن ما حد عرف الطريقة ...
زوجي الله يرضى عليه جاب الطريقة من السماك و جربتها و زيبطت و الحق يقال أنه كمان سألت صاحبتي و من هون شويه و من هون شويه ...
و زبطت معي ... و طلعت طيبة و الأهم أنه النضافة بتكون موثوق فيها و معروفة ,,,و أضمن

نيجي للمقادير :
جمبري صغير مش كثير منظف و مغسول بالخل و الطحين
كلماري مقطع منظف و مغسول بالخل و الطحين
بصل
توم
ملح
فلفل أسود مطحون
فلفل أخضر
كزبرة مطحونة
كمون مطحون
بندور حب و مقشرة

الطريقة:
أولاُ نسلق الكلماري بماء ساخن و نتركة يفور كذا فورة لأنه بياخد سوى على النار أكثر من الجمبري
و بنكب الميه و بنشطفه منيح بالميه الباردة عشان الزفرة
و بعدين الجمبري بنسلقه بالميه بس فورة واحد بس لأنه لو ضل أكثر من هيك بيتفتفت و بعدسن بنغسله بالمية الباردة عشان الزفرة و بنحطه مع الكلماري بجاط و بنتبلهم بملح و فلفل أسود و كمون و بتركهم على جنب مثل الصورة
بس الجمبري زوجي جايه اللي صغير كتير و نفص عيني لما عدت تنظيفة
يمكن تسألوا ليش نص سلقه ما احنا ممكن نشوحه على النار ؟؟؟
مزبوط بس منشان الزفرة و الزناخة تطلع منهم بيكون أحسن و ممكن تشويحه على النار أنتي حرة و بعدين تنشليه من دون ميته ... بس الجمبرى عليه زناخة و هو ني لا تطاق... و الامر بيرجعلك...



بعدين على النار بنشوح بصلة كبيرة بزيت الذرة و لما تدبل بنضيف عليها الثوم




بعدين بنضيف الكلماري المسلوق مع البصل و التوم لأنه بياخد سوى على النار




بعدين بنضيف البندورة المقطعة ناعم و المقشرة أنا بندورتي كانت خضرة فقشرتها و بالخلاط و حطيت عصيرها و ضفت عليهم كم حبة مقشرين حمر و مقطعين
بس الاصل أنه بندورة حمرا مستويه منيح مقشرة و مقطعة ناعم




أه نسيت أنا أحط الفلفل الأخضر مع البصل فقطعته و ضفته مع البندورة



و بنسيبهم يغلوا و يتسبكوا شوية و بنبهرهم بالكزبرة الناشفة المطحونة و الفلفل الأسود و الكمون...





انا حطيت معلقة صلصة صغيرة ..واحدة بس ... علشا تحمر لأنه بندورتي خضرة ...
و بعدين بنضيف الجمبري و بنقلبه و خمس دقايق على النار و بعدين بنطفي عليه



و بعدين بنجيب زبدية فخار و بنضيف فيها الخليط و بنرشه باللوز و الصنوبر الني و بنحمر وشها بالفرن
و سلامتكم



و هاذي صورتها لما تطلع من الفرن

و صحتين على قلوبكم

و أي سؤال تحت الخدمة

ليا الشرف اكون اول من رد على موضوعك اللذيذ

تسلم ايديكِ عزيزتي دودو ما شاء الله عليكِ اطباقك كلها رائعة

شكله لذيذ

والله يا دوعاء امبارح لسة عاملينها بنفس الطريقة بس من غير الكالامارى لكن نفس الطريقة بس شو غير شكل
بس أنا بعملها بفلفل شطة
يعطيكى العافية على التفاصيل والصور الحلوين
سلام

دعاء تسلم الايادي انا كمان بعملها بفلفل يا شطه او احمر مفروم و بتكون الدموع نازله وانتي بتاكلي
بس انا ما بسلق الجمبري انا بزل ابوه على النار اول و بكب ميته و ما بحب الكلماري بحسه جلد ممممم
تسلم ايديك اطباقك لذيذه

و طريقتك حلوة رندوش
بس ما بتحسي أنه زنخ ..

شو هالحلاوة كلها يادعاء

ربي يسلم لنا هالديات يارب

تعيشي وتطبخي وتصوري

وتحطي في المنتدى .

تسلمي سيسو
من زمان ما شفنا اللك وصفات
بدنا ابداعات

تسلمي جبيتي لا ما بحس بالزنخه لاني ببهره منيح و بكون غسلاه و شايله الخيط منه و بتروح الزنخه

بعدين لازم تحسي بزفرة البحررررررررررررررررررر هههههه

عسل يا رندوش...
مش حقولك قديش غلبني شيل الخيط كله صغير و نفص عيني ...
و طلعت روحي

بسم الله الرحمن الرحيم،،

عزيزتي دعاء تسلم إيديكي على الطبخة الروعة شكلها كثير بيشهي.