السلام عليكم صبايا..
هذه الأكلة لذيذة جداً وأغلبية الأوقات بعملها ضمن قائمة الأكل يلي بعمله في العزايم..
سهلة وما بتاخد وقت...
أنا مصورتها من فترة بس ما كا يصحلي نزلها ...
المقادير
باذنجان مقطع مربعات ومقلي (انا شويته)
رز
بهارات مشكلة
هيل قرفة مطحونين
شوية كركم وملح وفلفل أسود
كفتة مشكلة أصابع ومقلية بملعقتين زيت ..
ممكن تستعملي أي نوع كفتة بتحبيه..أنا عملت الكفتة البسيطة فقط بالبصل والبهارات وشوية بقسماط وبس..
الطريقة
بعد تحمير الكفتة بالطنجرة نترك الزيت ونشيل اللحمة..
نطبخ الرز بالبهارات كالمعتاد وبعدما ينضج نضعه في طبق التقديم ونضع عليه الكفتة والباذنجان..
تؤكل مع سلطة خضراء أو سلطة اللبن والخيار...
متل ما قلتلكم ما بتاخد وقت أبداً...ممكن تحضري الباذنجان والكفتة قبل بيوم..وتاني يوم وقت التطبيق يا دوب 20 دقيقة والطبخة جاهزة..
إليكم الصور
ما شاء الله ولا قوة إلا بالله
ممكن تزينوها بالمكسرات..أنا اليوم مزينتها بالبقدونس عشان الأولاد ما بيحبوا المكسرات..
بس بالعزايم بزينها بالمكسرات والبقدونس
مع اللبن والخيار
يا رب تكون عجبتكم....
الروابط المفضلة