مى بصرة انا كمان عملت النهاردة رز وفاصوليا

أم جورى
أنا هاجى ايه جنبك يافندم؟؟؟؟
بالنسبة لخلطة ميلرز,هى ظريفة و بتدى طعم حلو للرز و كمان لونه بيبقى بيج كده,فتغيير عن الرز العادى

فى اكلة تانية بقى يا جماعة انا بحبها اوى واعتقد انى هعملها بكرة ان شاء اللة بجيب فراخ بانية وبقطعها شرايح وبعدين بتبلها ببصل ومايونيز وملح وفلفل واركنها 4 ساعات وبعدين اقطع بقدونس وفلفل رومى وابشر جزر واقطع طماطم واحطهم فى نقطة زيت واحطهم على النار وبعد دقيقتين احط الفراخ واسيبها تستوى وكل شوية اقلب طبعا وبعمل جنبها رز بالكارى وبطاطس محمرة بتبقى تحفة

كتبت بواسطة abeerbebo

يعنى ايييه شرائح جوليان

عسسسسسسسسسسسسسسسسسل يا بيرووووووووو

بصى البصل يا اما يتقطع مكعبات طبعا دى عادى

جوليان اللى هو شرائح طوليه يعنى شبه التقلية كدة فهمتى يا قمر

اصلى متابعة من كل بلد اكلة وعرفت منها مصطلحات كتيرة أوى

طب تعرفى ان الشوربة مش اسمها شوربة

والشربات ما اسموش شربات

الشوربة بيون
و الشربات سيرب
صح؟؟؟؟أصل أنا كمان متابعة

لا دا انتو معلمين كبار اوى وانا هستفيد منكو
معلش اصل انا على ادىىى او فى المطبخ بعمل اكل حلو الحمد لله(الرك على النفس طبعا)

بس مش شاطرة فى التنويع

كتبت بواسطة possy26

فى اكلة تانية بقى يا جماعة انا بحبها اوى واعتقد انى هعملها بكرة ان شاء اللة بجيب فراخ بانية وبقطعها شرايح وبعدين بتبلها ببصل ومايونيز وملح وفلفل واركنها 4 ساعات وبعدين اقطع بقدونس وفلفل رومى وابشر جزر واقطع طماطم واحطهم فى نقطة زيت واحطهم على النار وبعد دقيقتين احط الفراخ واسيبها تستوى وكل شوية اقلب طبعا وبعمل جنبها رز بالكارى وبطاطس محمرة بتبقى تحفة

عجبتني قوي الطريقة دي يا بوسي ياجميلة
وحشتينا وحمد الله على السلامة
باذن الله ابقى اعملها كتغيير يعني لان جوزي مش بيحب البانيه العادي
تسلم ايدك يا جميلة


وكمان عجبتني قوي الرز بتاع ام جوري اللي باورق اللورا باذن الله ابقى اجربه

انا بقى النهاردة عملت عملت عملت بيتزااااااااااااااااااااااااا

بنت مصر يا جاااااااااااااااااااااااااااااااامد صح ياقمر

ده مرة كان بيعمل حلويات وفضل يقول كورن فلور لما زهقنى وكنت امووووووووووووووووووت واعرف ايه هو ال ايه النشا

عالم رايقة هو يعنى لما يقول نشا يبقى لوكال

ان شاء اللة تعجبك اوى يا فرح لانها بتبقى جميلة ولا ريحتها تحفة

أيه يا جماعه الحاجات الحلوه ديه جوعتونى

أنا النهارده و قفت فى المطبخ لما رجليه ورمت ليه؟
كنت بعمل محشىىىىىىىىىىى

و نا المحشى بيضربلى اليوم كله و اليومين اللى بعديه مش ببقى قادره من التعب

- أم جورى انا جبت الشوفان من هايبر هتلاقيه عند قسم التوابل بيتباع فى اكياس و ممكن هو يوزنلك لو عايزه فى كارفور مش عارفه فين

- بوسى ان شاء الله ابقى اعمل موضوع الفراخ البانيه ده بس هو مفيش بديل للمايونيز علشان تقيل و كمان لما بجيبه بيفضل قاعد عندى لحد ما يبوظ فمبجيبهوش غير لو كنت هستعمله بكثره

- هو ايه يا جماعه خلطة ميلرز ديه؟ نورونا ده العلم نورن برده
و بعدين الله يخليكم أبقوا فسروا المصطلحات الجديده ديه علشان فى ناس على قدها فى عالم المطبخ و انا اولهم

- فرح يا شقيه انا بموت فى المعجنات و ديه اللى موديانى فى داهيه و مش مخليانى اعرف اعمل كنترول على وزنى قوليلى انتى فعلا بتعرفى تعملى عيش توست ؟ قوليلى ازاى نفسى اجربه بس يا رب يطلع سهل علشان انا بزهق من الحاجات المعقده