السلام عليكم ورحمة الله وبركاته
رح اعرض عليكم اليوم اكل منة اكلات المطبخ السوري القديم
فتة الباذنجان او فتة المكدوس
بالبداية قليت بيتنجان صغير ((وممكن تستعملوا باذنجان كبير مقطع ))
في ناس بيحفروه بس انا بحب انو يضل اللب فيه بيطلع اطيب
وحضرت الحشوة لحمة مقلية مع شوية صنوبر
وكمان بنحضر خبز لبناني مقطع وبنقليه او نحمصه
ثم نحضر صلصتين الاولى
بصل جوانح نقلبه شوي بنقطة زيت ثم معه عصير بندورة ونتركه يغلي معها مع رشة ملح وبهار
وبعدين بحط البيتنجانات بالصلصة وبتركون يغلو 10 الى 15 دقيقة
اعمل الصلصة التانية وهي الروب مع طحينة وملح وعصير نص ليمونة
و حص توم مهروس اخلطوم واتركوم جانبا
بعدين برفع حبات البيتنجان من الصلصة الحمراء
واضع بداخلها الحشوة ثم اتركها جانبا
تطبيق صحن التقديم
اضع الخبز المحمص او المقلي في قاع الصحن
وعليه اضع كمية من الصلصة الحمراء
ثم الصلصة البيضاء على الوجه وعليهم اضع حبات الباتنجان
ونزين الطبق وصحتين وهنا
الروابط المفضلة