بسم الله الرحمن الرحيم
عزيزتي حيث أنك من فلسطين و بالذات من الضفة الغربية أرجو منك كتابة طريقة المسخن الفلسطيني على أصوله و كذلك المنسف الرهيب؟؟؟؟؟؟
بعد إذنك


أنتظر ردك على الموضوع

عزيزتي دعاء فلسطين
انا اردنية وخبيرة بطبخ المناسف الأردنية

هذه الطريقة يااختي



طريقة اللبن و هو المهم بالطبخة
ضعي ملئ الخلاط لبن زبادي و ملعقة كبيرة نشا وخلطيهم ببعض الى ان يصبح الخليط سائل
ومن ثم ضعيه في طنجرة وضعيه على النار وحركيه الى ان يغلي ثم بعد ذلك ضعي ملح و كركم و مطحون حب الهال وقليل من ماء اللحمة واتركه يغلي لمدة 10 _ 15 دقيقة واذا كان شديد ضعي قليل من الماء

قبل عمل اللبن اسلقي اللحم و ضعي معه بصلتين و قليل من حب الهال الخشن



طريقة طبخ الرز انقعي الرز لمدة بين 15 _ 20 دقيقة وبعد ذلك اغسليه جيد وضعي في الطنجرة مقدار كأس رز _ كأس ونصف ماء و قليل من الملح و زيت الذرة او السمن واذا حبيت الرز يكون اصفر ضعي قليل من الكركم في الماء قبل طبخ الرز فيه

وعند غلي الماء ضعي الرز فيه و اتركيه يغلي الى ان تري الماء بدأ ينشف عن الرز وم ثم غطيه وعلى نار هادئه اجعليه يطبخ الى ان يستوي
ثم اسكبيه في صدر وضعي اللحمة عليه بعد ما تكوني قد وضعتيه في اللبن ثم رشي اللوز المقلي عليه و الصنوبر المقلي و البقدونس المفروم ناعم

و صفي اللبن في وعاء التقديم وقدميه
صحتين و عافية

اميه اهلا وسهلا بالاخت دعاء وانا تحت امرك
طريقه المسخن
في خبز في السوق خبز طابون او خبز رقيق مخصوص للمسخن اكيد بتعرفيه
جيبي مثلا 3 ارغفه بيكونن كبار
وقومي بطبخ الدجاج عادي زي الطريقه العاديه
بصل وبهارات وزيت وماء وتطبخ حتى تنضج

ناتي بكيمه كبيره من البصل يعني 7-10 رؤوس بصل ونفرم شرائح او مربعات بس مش صغيره كثير
وتوضع على النار مع كوب زيت الزيتون وملح وشويه بهارات
وممكن تحطي شويه من شوربه الدجاج علشان تعطيها نكهه ويوضع فوقها الدجاج حتى ياخذ من نكهه البصل
وتترك حتى ينضج البصل ويجف الماء اللي عليه
والطريقه التقليديه زي زمان
تضعي رغيف الخبز في صينيه كبيره بحجم الرغيف وتغمريها بالبصل والزيت اللي سويناها وترشي عليها سماق بكميه وفيره
وصنوبر ولوز وتضعي الدجاج فوقها

والطريقه الحديثه المبتكره
تقسمي الخبز الى مربعات وتضعي عليها البصل ولكن تقومي بتسحيب الدجاج وتضعيها على الخبز وتلفيها زي الملفوف
وتوضع في الفرن تحمر وجهها
بس

مرحبًا أختي أم ياسمين و شكرًا على المشاركة،،،
لكن بدي أسألك مش كمية اللبن في الخلاط بالنسبة للنشا تكون قليلة يعني مش بيطلع مرق هيك و لا لأ

و أنا بعرف المنسف لون اللبن فيه أبيض حسب ما بأسمع فهل ضروري وضع الكركم أم لا (أنا بدي الطبق على أصوله)
و بالنسبة للمنسف بعد سكبه في طبق التقديم ما بيكون ناشف هيك يعني ما بتسقيه خالص و لا بتفتي خبز صاج مثل الفتة

معلش آسفة بس بدي الأكلة ماتخرب معي


أخت هنلي بالنسبة للمسخن بعمله بخبز الطابون بينشف معي ما بعرف ليش يمكن لأني بحطه شوية في الفرن !!!! و لما بتحطيه بالصينية بتخليه مفرود و لا كيف ( و لما بعمله بالصاج بيطلع منيح بس بسويه في صينيه مفرودة كذا طبقة خبز شراك بينها شوية بصل و زيت زيتون و برص الجاج و بخليها تشم النار شوية فما بعرف كيف

جاوبوني و لا تطنشوني


دعاء

البنات ما قصروا ... واذا بدك طرق حديثة بس اطلبي,,

أنا عارفة انهم ما قصروا بس بدي اعرف الطبخة على اصولها (:

عزيزتي المنسف الاردني يمكن يختلف عن المنسف الفلسطيني

حنا في الاردن نعمل لون اللبن اصفر

و لانضع في اللبن خبز

وهو لازم يكون مرق يعني ما يكون شديد

بالعكس اذا كان شديد لازم تزيدي ماء عليه

واي استفسار انا في الخدامة

اختي انا ماشيه على طريقه ستي بخليه مفرود بس ما بدخله الفرن بغرقه بالزيت والبصل وبرش عليه سماقه ولوز وصنوبر وبحط الجاج وبقدمه بس من ددون فرن

بس يا هنلي جربي تحمصي كل رغيف لحاله .... بيكون اطعم...