السلام عليكم
بدي حدي يحكيلي كيف بنعمل القدره , هيه بكون فيها رز ودجاج وحمص
وبهارات
اعملتها انا بس صار لون الحمص من لون البهارات يعني شكل الحمص مش حلو
هو لازم يطلع لونه طبيعي زي الاصفر هيك شي
ردو علي الله يخليكم
سلام
للبحث في شبكة لكِ النسائية:
|
السلام عليكم
بدي حدي يحكيلي كيف بنعمل القدره , هيه بكون فيها رز ودجاج وحمص
وبهارات
اعملتها انا بس صار لون الحمص من لون البهارات يعني شكل الحمص مش حلو
هو لازم يطلع لونه طبيعي زي الاصفر هيك شي
ردو علي الله يخليكم
سلام
مرحبا ليني بصراحه أنا بعمل القدره باللحم وما سمعت انها بتنعمل بالدجاج وطريقتي هي
اسلق اللحم حتى ينضج
الحمص بيكون مسلوق وجاهز (مستوي ومتماسك)
ثوم غير مقشر
رز
بصل مفروم
اقلي البصل وحبات الثوم الغير مقشره بقليل من الزيت ثم اضيفي اللحم المستوي
خذي من مرقة اللحم المقدار الكافي لطبخ الرز وزيدي شويه يعني نصف كوب تقريبا وضعيهم على البصل واللحم و أضيفي الملح و البهارات و الكركم واتركيهم على النار حتى ينضج الثوم يعني ربع ساعة تقريبا
اضيفي الحمص المسلوق الرز المغسول وحركي الخليط واتركيه على نار هادئه حتى يستوي الرز
يؤكل مع اللبن الرايب أو السلطه
و صحتين اتمنى أكون أفدتك
يا عيني يا عيني هالأكلة شو بحبها ..
بس اللحمة كيف لازم تكون؟ ام زوجي بتعملها بلحم فيه دهن كتير بس بتكون ثقيلة .. بتزبط بلحمة عادية ما فيها دهن؟
و الرز ؟؟ شو نوعه ؟؟
أهلين دندوش أنا بعملها بلحمه عاديه بدون دهن لأني ما بحب الدهن
و أحيانا بعملها بلحم عجل بس بيطلع شوي ناشف
أما الرز ممكن استعمال أي نوع بتحبيه أنا باستعمل الرز المصري وماما بتعملها بالرز البسمتي وكله بيزبط مافي مشكله
سلامي لك ولأختك دندون ،
تسلمي يا ام عدنان ..
هو في حدا بيحب الدهن
و انا بتخيل انها أزكى بالرز المصري .... يا سلام انا عم بتخيل و معدتي عم تصوصو
ألف شكر ان شاء الله رح أجربها بأقرب وقت
يسلموا ام عدنان
رح اجربها زي ما بتعمليها بس الحمص ما رح يتغير لونه مع البهارات هاي الي بدي اتأكد منه
دندوش اهلين فيكي ام زوجك بتعملها وانتي , انا بعرف انه اهل فلسطين شاطرين بهيك طبخات ولا انا غلطانه
شكرا الكم ,غلبتكم معي
بصراحة اول مرة باكلها بعد ما تزوجت
ماما فلسطينية بس ما عمرها عملتها .. يمكن ما بتعرفها او ما بتحبها عشان هيك ما عرفتنا عليها :-)
غلبت دندوش انشاء الله امورك تمام مع الحمل بالشهر الفضيل
الله يسهل امورك
سلام
ليني متل ما قلت لك الحمص بيكون مستوي وحطيه قبل ما تحطي الرز مش راح يتغير لونه كتير
وصحتين أنا في الخدمه
تسلميلي ام عدنان والله يكتر من امثالك
الروابط المفضلة