صباح الخير للجميع
انا قعدت من النوم جوعانه
قبل الفطور فكرت شو بدي اعمل علغداء عندي دجاج بدي اعملو بطريقه جديده
اول شي لازم الدجاج يكون منزوع الجلد منظف بملح وليمون اول خل بامكانك اظافة اي بهار بتحبيه عدجاج
وحطي بهار شوي وملعقة بندوره صلصه حظري كمان خضار الي بتحبيه اهم شي البصل ,البندوره,البطاطا,كوسيه,جزر,كرفس,فلفل حلو احمر
كمان حطي بهار شوي علخضار
وطبعا لا تنسو الملح الملح والبهار حسب الرغبه واهم شي في الخضار البندوره حطي حبتين او ثلاثه
اول شي بنحط الدجاج في طنجره تيفال بدون زيت او اي ايشي ومباشرة بنحط الخضار بعدها ظعي الطنجره عنار وعلى نار هاديه جدا
وطبعا بنغطي الطنجره وبعد ساعه الاكل بكون جاهز.
اعملي معو رز محمر حطي زيت بطنجره حمري الرز حطي عليه بصل شرائح وثومه وجزر مبشور وزهره "قرنبيط" مقليه
اطبخيه بالماء واظيفي مكعبات ماجي او بامكانك اخراج القليل من المرق من على الدجاج او اذا عندك مرق من قبل .
ويقدم مع لبن رايب غير مطبوخ "ودقه"
الدقه عباره عن فلفل ثومه بقدونس جراده خضره حطيهم مع شوية ملح ودقيهم وحطي عصير ليمون والقليل من المرق.
صحتين وعافيه.
لا تحرمونا من الرد للاسف ما في صوره
الروابط المفضلة