يسعد صباحكم صبايا
هاي الطبخة كتير بعملها خاصة لما اكون مو جاي عبالي اطبخ
سهلة كتير ومابدها وقت
المقادير
رز مصري مخلوط مع رز طويل
بصلة مفرومة شرائح رفيعة
تومة سنين صغار مع شوية زنجبيل مبروش ماتكترو (هاد لام عدي )ههههههه
حبة بندورة مقشرة ومفرومة ناعم
فليفلة حلوة مفرومة مربعات فيكي تحطي ملونة
جزر مبروش وبازيلا
ملح وبهارات مشكلة

الطريقة
بنحط كل الخضار بالطنجرة مع شوية زيت
وبين كل فترة وفترة بنحركهم
بس يستتوو بنحط الرز المنقوع والمغسول وبنخليهم كمان 10 دقايق
بنحط عليهم الملح والبهارات والمي المغلية وبس يغلوو بنوطي الغاز عالاخر وبس نستوي بنطفي النار

بناكلها مع السلطة او مع اللبن
يارب اكلتي تعجبكم لانها كتير خفيفة وبنفس الوقت مفيدة كتير

تسلم ايدك مجوده
انا بحبها كتير وخاصه الخضار تكون معبايتها امممممممممممممممممممممممممممم
الف عافيه عليكم

يمي يمي

شو بحبها لهاي الأكلة

اولادي بيسموها الربيع في الطنجرة علشان الوانها

تسلم دياتك وصحتين وعافية

ماشاء الله ولا قوه الابالله
يسلموا ايديكي مجد وان شاء الله تقومي بالسلامه يارب وبحضنك البيبي السليم يارب

شكلها بيشهي تسلم ايدك

تسلم إديكي مجودة أمممممم شكلها يفتح الشهية ألف صحة وهنى على قلوبكم

مممممممم تسلم ايدك
طيبه وسهله
وشكلها بيشهي
تسلم الايدين الحلوه

الله الله على الجمال
من قريب أكلت الرز بالجزر
ومن ساعتها أغرمت فيه
ونفذته كذا مرة
والآن
سأنفذ هذا الرز بالخضار
شكله مشهي كتير
وخصوصي من إيدينك الحلوة
أم فروحة
يسلموا الأيادي وبالهنا عليكم حبيبتي

صحة وهنا عليكم يارب
كثير بحبها
بس بحبها مع الجزر واللحم المفروم امممممممممم شو طيبة

امممممممم
بشهي الله يعطيك الصحة والعافية