السلام عليكم ورحمة الله وبركاته
بمانسبة الصيف و اننا مش بنحب نقف في المطبخ علشان الحر
قلت اقول لكم على حاجة أتعلمتها من شيف شربيني ربنا يجازيه خير
كان عمل كفتة بطريقة جميلة جداااااااااااااااااا
نصف كيلو لحم مفروم
بصلاية وسط مبشورة
ملح و فلفل
البصلاية المبشورة نحط عليها ملح و فلفل و نعصرها و نطلع الماية بتاعتها ونسيبها على جنب
و التفل (البصل المعصور) نحطه على اللحم المفروم و نقلب كويس اوي
نجيب العصير البصل اللي طلع و نبشر عليه طمطماية صغننة أوي
(يستحسن نص طماطماية صغننة)
و فلفل أخضر مبشور
(قرن فلفل صغنن)
و نسيبهم يتبلوا مع بعضه في طبق على جنب
و نصبع الكفتة
لما نبدأ نصبع الكفتة نبل ايدينا الاول في عصير البصل المتبل و نصبع
علشان الكفتة تاخد ريحة التتبيلة ديه
طيب في حد هيسأل ليه ماحطيناش البصلة المبشورة كلها على بعض من غير مانفصل عصيرها
هقول
علشان الكفتة ماتفكش
و تكون ماسكة نفسها
هنحضر صينية و نرص فيها الكفتة
تدهني الصينية بزيت خفيف علشان الكفتة ما تلزقش
بس كده
حطي الصينية في الفرن و لما الجنب اللي تحت يحمر نقلب على الجنب التاني لحد ما كله تكون لون بعض
لو عايزة ريجة الشوا ممكن تحطي في الصينية مع الكفتة بعد ما تستوي فحماية (فحم) مولعة في شوية ورق بصل و غطي الصينية من 5 الى10 دقائق
الريحة تحححفة
وممكن تعملى جنبها مكرونه وسلطه خضراء
وبالهنا والشفا
الروابط المفضلة