مسا الخير صبايا
السبانخ من الاكلات الطيبة والاهم من هيك مفيد كتير
اليوم طبخته وطلع بشهي
نيجي للمقادير

نص كيلو لحمة خاروف
نص كاسة حمص حب منقوع
بصلة مفرومة ناعم
بهارات صحيحة قرفة عيدان وهال حب وورق غار
كيلو سبانخ مغسول ومفروم

رز وشعيرة

الطريقة

بنحط معلقة سمنة بطنجرة الضغط وبنحط البصلة واللحمة والبهارات والحمص
بنضل نقلب فيهم لحتى يتغير لون اللحمة
بنحط شوية ملح ومي سخنة وبنضغطهم ساعة الا تلت او نص ساعة

بس تستوي اللحمة بنصفي المرقة من البهارات والبصلة
بنحط السبانخ وانتبهو ما تكترو مي لانه السبانخ بدوب بسرعة
بنحط معلقة ماجي وبنغطي الطنجرة وبنخليه يستوي بده تقريبا 10 دقائق

اثناء استواء السبانخ بنعمل الرز بالشعيرية

وما تنسو عصرة الليمون عليه ممممممم

ملاحظة وضع الحمص الحب مع السبانخ بعطيه طلع مميز كتير
بس بنفس الوقت بشيل فائدة السبانخ واللحمة لانه فيه بروتين
واللحمة والسبانخ فيهم حديد
والله اعلم انا هيك بسمع ههههههه

بتمنى طبختي تعجبكم
دمتم بود

ماشاء الله مجود
تسلم ايدك
بيشهووووووووووو
الف صحة
ان شاء الله بكرا بدي اعملها ان شاء الله

ما شاء الله خلو كتيرررر (بموت في الاكل السوري حتى ولو كان جزمز)

تسلم ايدينك يااالغاليه
لا عدمنا طرحك ولا حظورك
تقبلي عظيم تقديري

تسلم يمناك وربي يعطيك العافيه
شكلها يشهي ويفتح النفس

يعطيك الف الف عافيه يا مجد
طالعه بتشهي كتيرررر

طيبةةة
تسلم ايدك مجود الغالية

ماشاء الله بشهي تسلم الايادي وصحه على قلبكم
نفس طريقتي يا مجد بالزبط........مرات انا بعمله على
دجاج وبحمر الدجاج بالفرن بطلع رووووووووووعه

ممم
في هالمطر
بيشهي هالطبق

صحتين وعافية مجودة