كيفكم يا حلوات
انا بشوي البلطي عندي في البيت من غير دخان وبيطلع جميل
كأنه مشوي في الفرن البلدي
إزااااااااااااااااااااااااااي
بولع الفرن من فوق على اعلي حاجه واتركه لما يحمي كويس جدا
والمده حسب نوع الفرن انا فرني كهربائي ومن فوق ناره شديده
ممكن اتركه ربع ساعه والافران العاديه تاخد نص ساعه يحمي
عشان لما يحمي كويس ينشوي بسرعه وما ينشف
اي صاجه وممكن صاجة فرن وممكن صاجه خفيفه تخصصيها للسمك
مش مهم تفرشي فيها رده عشان لو فرشتي بتتحرق وتدخن وتعمل طبقه
انا بغسل السمك وانظف بطنه لو كبير وبحط عليه الرده من الجهتين
وأرصه في الصاجه ولو مش مكفيه حطي صاجين ولو مفيش لما الصاجه تطلع
رصي االباقي فيها مره تانية وبيتشوي اسرع من الاولي
المهم حطي الصاجه تحت الشوايه من فوق اعلي رف تحتها علطول
ولما يتشوي باللون اللي انت عايزاه اقلبيه بملعقه كبيره كبشه
عشان ما يتكسر ولما يتشوي خلاص طلعيه
بتكوني محضره شوية ميه وملح وكمون وتوم وممكن تعصري ليمونه
وممكن تضيفي شوية شطه ناعمة او خضره
وخلاص مفيش دخان ولا خنقه والريحه خفيفه في الشقه ولما تخلصي
بخري الشقه وطبعا تقفلي باب المطبخ والغرف
وتكوني طبختي الرز الابيض وتاكلي بالف هنا وعافيه
وتوته توته خلصت الحدوته مستنيه ايه يلا روحي اشوي ودوقيني
ولا تنسي طبق احلي سلطه بالبقدونس لان البقدونس بيعطي للسلطه طعم جميل
وفائده جليله ومع الاكلات الدسمه بيهضم ويزيل الدهون اللي في الاكل
بتقولي ايه فين الصور ؟
مفيش صور هتعملي ايه بقيييييييييييييييييييي
أكلة السمك المشوي
مع السلااااااااامه
الروابط المفضلة