النهاردة جبتلكم وصفة انما حلوة جدا وسهلة وسريعة جدا
كمان تغييير عن الاكل المعتاد
البيكاتا بالشامبنيون
المقادير :
- شرائح رقيقة من لحم البتلو
- دقيق
- ملعقة سمن او زبدة
- مشروم مقطع
- كريمة انا استعملت جهينة اللى فى العلب
- دقيق
- ملح وفلفل
الطريقة :
- تتبل شرائح اللحم البتلو بالملح والفلفل الاسود من الجهتين جيدا
- تعفر بالدقيق من الجهتين (مثل الاسكالوب)
- فى مقلاة على النار توضع الزبدة او السمن وتشوح بها اللحمة جيدا من الجهتين
- تنشل من المقلاة وتوضع جانبا .
- فى نفس المقلاة يوضع المشروم ويمكن ازادة زبدة ان احتاج ويسوى
- توضع الكريمة على المشروم وتترك لتغلى ثم يمكن ارجاع اللحمة لتكمل سواها معه (تأخذ حوالى من 5 - 10 دقائق)
- تغرف فى اطباق وتقدم ومعها ارز أو مكرونة أو نودلز .
ملحوظة :
يمكن عمل البيكاتا باللحم او الفراخ أو السمك ولكن اهم شئ ان تكون الشرائح رقيقة لتستوى بسرعة
- صورته للأسف ضاعت فجبتلكم صورة من النت سامحونى
بالف هنا وبجد عجبت جوزى جدا وكان مش قادر يقوم من قدامها واللى تجرب الوصفة وتعجبها امانة تدخل تقولى
رد مع الاستدلال
الروابط المفضلة