ازيكم يا اجمل واشطر سيدات
اكلتنا انهارده حلوة وشيك اوووووووووى وممكن تنفع فى العزومات
وطبعا فى رمضان كل سنه وانتم بخير
عملت انهارده فراخ مشويه
وبطاطس جراتان
وقدمت معاها ارز ابيض
وكانت وجبه حلوة اووووووى ولذيذه
نبدأ بأسم الله
المقادير
اولا الفراخ
جبت فرخه متوسطه وطبعا تتنظف كويس وتتغسل بالملح والخل وتتفتح من وراء بحيث تكون متماسكه مش مفصوله من بعض تتبل
بصلايه مبشورة ناعمه
ملح وفلفل وبهارات وسماق وورق لورا
فصين حبهان
عصير ليمونتين ومعلقه خل تفاح
وتترك فى التتبيله ده لمده ساعتين على الاقل
البطاطس
حوالى نصف كيلو بطاطس مقطع
شرائح مش رفيعه ولا سميكه
نصف كيلو لبن وعليه معلقتين كريمه لبانى ( وممكن الاستغناء عن الكريمه بالقشطه او من غير حاجه لو عاوزاها خفيفه )
فصين توم مفرومين
ملح وفلفل
شويه زعتر مفرومين
الطريقه
بالنسبه للفراخ نجهز صينيه وانا حطيت عليها فويل علشان مش تتحرق ويبقى سهل تنضيفها بعد كده ونقطتين زيت وحطيت عليها الفره وعلى الفرن علطول
البطاطس
ترص البطاطس فى الصينيه
ونكون غلينا اللبن مع باقى المكونات
وننزل بيهم على البطاطس وتتغلى غلوة على النار ثم توضع فى الفرن حتى تتماسك ويحمر وجهها
ده صورة الفراخ بعد التتبيل
وده شكل البطاطس
وده شكل الفراخ بعد ما استوت
وده البطاطس بعد ما استوت
وهنا لما قدمتها مع ارز ابيض
الروابط المفضلة