السلام عليكم وكل عام وانتم بخير
عملت ديك رومى امبارح و طلع ما شاء الله زى العسل و لحمه طرى جدااااا
و مش ناشف ولا بيشد
المقادير
واحد ديك رومى حسب الوزن اللى تفضليه انا بتاعى كان خمسه كيلو تقريبا
للتتبيلة
اتنين كوب زبادى
نصف كوب زبادى خل
حزمة كرفس
بهارات
ملح
فلفل
ملعقه كبيرة جنزبيل
خمس فصوص ثوم
بصلتين متوسطتين
كمية من الزبدة الطرية حوالى 150 الى 200 جرام
الخضروات اللى حطيت عليها الديك
كانت جزر كوسه بطاطس بصل طماطم كلهم مقطعاهم شرائح عريضة
,,,,,,,,,,,,,
الطريقة
يغسل الديك جيدا و نتأكد من انه فك تجميده تماما و انه صفى ميته خالص يستحسن كمان ننشفه بفوطه من الداخل و الخارج
ناخد مقادير التتبيلة كلها ماعدا الزبدة و نضربهم فى الخلاط لغاية ما يبقوا عجينة سائلة شويه
نبتدى نتبل الديك من الخارج و الداخل و تحت جلد الصدر قدر الاستطاعة بهذه التتبيلة
ثم ناخذ الزبدة الطرية و نحشى بها ايضا تحت جلد الصدر و ندهن بها الديك و بين الاوراك
فالزبدة تساعد على تطرية الديك
بعد الانتهاء من دهن الزبدة نحضر فرخين فويل و نفردهم فى صنية التسوية واحد بالطول وواحد بالعرض و يكون الوجه المشع لفوق و المطفى تحت
ودا حتى تزيد الحرارة داخل الفويل عند الاغلاق على الديك
نضع فى ارض الصنية الخضروات التى تم تقطيعها و تتبيلها خفيف و نضع فوقها الديك على صدره بعد تكتيفه او ربط الارجل حتى لا تتفسخ اثناء التسوية و نضع كوبين من الماء
ثم نغلق جوانب الفويل و نحرص الا تكون ملتصقة بالديك بل نترك فراغ يسمح بتكاثف الحرارة و بخار الماء و جعل الديك طرى
بعد حوالى ساعة و نصف قلبت الديك على ظهره و قمت بتشريبه من السائل الموجود فى الصنيه ثم اغلقت و تركته يتم تسويته
وكل تلت ساعة تقريبا كنت افتح و اشربه من السائل بالصنيه و اغلق عليه
و قبل خروجه بحوالى نصف ساعة
فتحت الفويل و فتحت شواية الفرن و قمت بلف الديك فى كل الجوانب و تسقيته بالسائل حتى احمر كله
واطفئت الشواية و تركته يهدأ قليلا حوالى نصف ساعة قبل ان انقله الى طبق التقديم
كنت قد جهزت ارز بالخلطه لوضع الديك فوقه
وطريقته
قطعت بصلتين خشن و قلبت معهم الكبد و القوانص الخاصة بالديك بعد تقطيعهم قطع صغيرة
و تبلتهم بالملح و الفلفل و القرفة و البهارات و الزنجبيل
و صببت الماء و تركتهم يغلوا قليلا ثم اضفت الارز البسمتى و تابعته حتى تمام التسوية
و قبل التقديم قمت بخلط ملعقه كبيرة كركم مع نصف كوب ماء رششتها فوق الارز حتى تساعد فى اظهار لونه بشكل جميل
و حمرت بعض البتدق و الزبيب فى بعض الزبدة و وزعتهم فوق الارز بعد غرفه
و فى النهاية و ضعت الديك
بالهناء و الشفاء
,,,,,,,,,,,,
طبعا الخضار اللى حطيته بارض الصنيه بيكون استوى و لذيذ جدا جدا
و ممكن يؤكل بجانب الارز زى ما تحبوا
الروابط المفضلة