انا طبقت وصفة روزا ربنا يمسيها بالخير الحقيقة مش عارفة هل مازالت تشارك معانا ولا لاء
طبقتها كتيييير والحمد لله بتطلع رووووعة وبدعيلها من كل قلبي ربنا يكرمها ويعزها

الحقيقة اللينك مش عندي لاني حفظت الطريقة في الذاكرة رغم انها ضعييييفة ههههههههههه

المقادير:
لحمة مفرومة....حسب عدد افراد اسرتك
بصل مفروم...حسب كمية اللحم
بطاطس مسلوقة ومهروسة جيدا
بقدونس
2:3 م ك معجون طماطم مذوب في شوية ماء مع ملح وفلفل
قطعة زبدة
ملح فلفل بهارات

واعتقد ان روزا كانت بتضيف بيضة للحم بس انا مش بضيف

بالنسبة للبهارات انا عندي بهارات بتعطي الاكل طعم خرافي بضيفها مع كل الاكل تقريبا(ورق لورا وحبهان وفلفل) بطحن كله وبحفظه في علبة

اول شئ نخلط اللحم مع البصل المفروم والملح والفلفل والبهارات والبقدونس وممكن تضيفي شوية بقدونس او بيضة بس انا مبضفش غير البهارات والبقدونس
ونبهر البطاطس المسلوقة المهروسة كويس ونضيف لها قطعة زبدة

وبعدين نمسك قطعة من اللحم المفروم نشكلها علي هيئة طبق بس حجم كبير مش صغير عشان بتكش في الفرن

هنا كمان اضفت الصلصة وحطيت معاها شوية بصل وبهارات
وممكن تعمليها من غير صلصة اللحمة هتنزل دسمها وعلي وش البطاطس نضيف شوية زبدة وممكن اي نوع جبن شيدر او موتزاريلا او رومي

ندخلها الفرن علي 180 او 190 حتي تستوي

وهنا بعد النضج............استوت وبقت زي الفل والصلصة اتسبكت وخدت من دسم اللحمة

وتقدم مع الارز الابيض

وبألف هنا علي قلوبكم

يممممممممممممم ما شاء الله روووووووووووووعة تسلم الايادي
يلا انا لي قطعة علشان اول وحده ردت

فعلاالوصفه تدمن اكيد
انا جربتها ومن وقتها وهي طبق اساسي عندي
تسلم ايدك وايد العسل روزا يارب

تسلم اديكي
شكلها تحفففففه
الف صحة على قلوبكم

ما شاء الله تطبيق جميل جدا

تسلم ايديكي

تسلم ايديكي

تسلم ايدك يا فراولة والله تطبيقك أحلى من تطبيقي
بجد ممتاز جدا
ما شاء الله عليكي
أنا يا ستي موجودة بس مشاركاتي قلت شوية
ولو مش باشارك بأطباق باشارك بمشاهدة أطباق غيري

شكرا لكم حبايبي
واسعدتيني بمرورك ياروزا وانتي الاحلي والله

تسلم ايديك على هالتطبيق الحلو