مرااحــب حبيباتي
كيفكم يالغاليات ؟!!
اليوم سويت طبق جديد
و الحمد لله طلع مرة لذيذ
و زوجي مرة عجـــبه
الموهيم نجي للجد
:
المقادير :
اولا : المقادير الاساسية :
علبة لازانيا
جبنة موزريلا
:
ثانيا : مقادير الحشوة :
دجاج
بصلة مقطعة صغار
مكعب ماجي ( ممكن تستغني عنه و تحطي البهارات اللي تعجبك )
ملعتين زيت زيتون
علبتين قشطة
:
ثالثا : مقادير صلصة الطماطم :
بصلة مقطعة
3 ملاعق زيت زيتون
ملعقتين معجون طماطم
فصين ثوم
4 حبات طماطم
مكعب ماجي ( ممكن تستغني عنه و تحطي البهارات اللي تعجبك )
:
الطريقــة :
اول شي اسلقي اللازانيا ( تحطي مع الموية ملح و زيت ) و تسلقي الدجاج كمان و بعدين افرمـــيه
حطي زيت الزيتون في طاوة و بعدين حطي عليها البصل إلى يصير لونه بني بعدين
حطي الدجاج و البهـــارات و لمن يختلط الدجاج بالبهارات تمــام حطي القشطة
و خليها شوية على النار و بعدين شيلي الطاوه من على النار
لمن خلاص تنسلق اللازانيا صفيهـــا و بعدين
خذي حبة مكرونــة و عشانها راح تكون طويلة اقطيعها بالنص
و في الطرف حطي خلطة الدجاج و لفيها
و حطيها في صينية البايركس ... و هكذا لمن تخلصي
في قدر اعملي الصلصة
حطي زيت الزيتون و البصل و الثوم و الطماطم و مكعب الماجي
و خليها شوية و بعدين حطيها فوق اللازانيا
و حطي فوقها جبنة موزريلا
و دخليها الفرن لمن يسيح الجبن بس
و بالهنــاء و الشفـــاء
:
همســـة / نسيت اصور الصورة النهائية للصينية
الروابط المفضلة