بسم الله الرحمن الرحيم
ازيكم يا احلى صبايا
معايا انهرده اكله دايت ولذيذه كمان
فراخ صدور مقطعه جوليان طوليه
الخضار بقى عدي معايا
كوسه 2 وسط مقطعه
فلفل اخضر جوليان
بصل مبسور
توم جوليان
جزر جوليان
طماطم جوليان بس نص واحده
التوابل اللي قلبك يحبها
ملح فلفل طبعا
شطه رشه
جنزبيل قرفه كمون كسبره زعتر
توابل فراخ وكاري وكركم
وريحة التوابل ملت المكان جميله جدا
نحمر الفراخ شويه برشة زيت (ربع ملعقه صغيره)
وترفع ونبدأ الخضار بصل وتوم والباقي ونرجع الفراخ تاني عالنار
وكله يتحمر شويه وبعدين ميه يستوا وفي الاخر اديتها
حته صيني
رشة خل بحب الحامض
وم ص نشا مذوبه بميه وسبتهم لغاية ما نشف كله
واكلتها بالملعقه لوحدها
واخدت اصبع بانيه ما حدش يضحك يعني يصح نحمر بانيه وما ندوقش منه وبس سلامتكم
يارب تكون الوصفه خفيفه وظريفه على قلوبكم
وعجبتكم
ودعواتكم
الروابط المفضلة